موج البحر

[عوض بن سلمان]

موج البحر موج البحر موج البحر موج البحر موج البحر

يقول عوض بالمعرفه سير يا سيـر

يقــولهـــا بيـن الـوجــيـــه البشيـــشـــــه

بعض العرب يهرج على غير تفكيـر

ويشــك لا قالــوا على الــراس ريشــه

ما يلحقـــه من كـل قنطــار قطـمـيـــر

ولا يلحقـــه مقــدار عــود الحشيــشـــه

إن كـان وليا إنه قريّــب من البـيـــر

إليــا عطش يقــدر يـــروّي عطيــشـــه

وإن كان له نيه يطبل على الزيــــر

ما هــمنـــي طبلـــه ولا مـن نفـيــــشـــه

ما كل شاعر يحكر الشعر تحكيــر

ولا كــل متحـــوش يضــــوي حويـشــــه

رجلٍ مشير ورجل يقولون شرشيــر

ورجلٍ أمـام النـاس يقلــون ديــشــــــه

أحــــذره في كــل ساعـــــه بتحــذيـــــر

وأحــــذره من كــل هــرجــــه مطـيــشــــه

مــوج البحـــر ما دغثرتــه البــوابـيـــر

والصخــر ما تطلــع عليـه الهطيشــه

وبل المطر ما هو سوات القطاطير

وظل الشجر ما هو سوات الهريشـه