غنّت

[ابو عادل]

غنّت غنّت غنّت غنّت غنّت

اسمحوالي . مالي فالغزل ولاأعرف له ، لكن الفن بشتى صوره يحرك في الانسان مشاعر من نوع ما ويخلي اللي ماله يصير له (الله يخارجنا)



[POEM="font="Simplified Arabic,5,white,bold,normal" bkcolor="transparent" bkimage="images/backgrounds/22.gif" border="none,4,gray" type=2 line=0 align=center use=ex num="0,black""]
غنّت العجما ولاجابت ولاكلمة فصيحة=واذهلت كل الحضور بقدّها اللي يعرفونه
يعرفون القدّ والنّبرة وعادات المليحة=يوم تطلع فالمنصّة صوتها مايجهلونه
خفًّضوا نور المنصّة لجل لاتخجل سميحة=واصلي ياربة الطرف الكحيل بلامهونة
انتشَت والمبدع الحساس تطفيه النصيحة=لو تقله غيّر المقطع خسرت احلى لحونه
أدري ان الفنّ عالم واسع الله لايبيحه=واختلاف الذوق خلاّبعضنا مايفهمونه
اختلاف الذوق ماهوعيب والدنيا فسيحة=ومن عجبهم لحن في عالي البحار يردّدونه
بسّ مدري ليش مانومن بالاخلاق الشحيحة=فوق ماشحّت نضيّقها ونحرمها المعونة
مشكلة والمشكلة خلط المريضة بالصحيحة=والمريض تبان علاته وتظهر في عيونه
إنّما لازم يجي متردّية والا نطيحة=غير ماتاكل سباع البرّ والراعي بشونه
اسمحوالي رحت عن زين الحلى يازين ريحه=يوم رشّ العطر هزّ الخصر واهتزّت متونه
صفّقواله غاية التصفيق واشرواله شريحه= وسجّلوا رقمه لجل وقت الفراغ تهاتفونه
[/POEM]

[محمـد العجمي]

فكر متقد وشعر على أصول وسلاسه في توصيل الفكره لاتظاهيها سلاسه

بيض الله وجهك يبوعادل وجعلك منارة للأدب والأدباء

دمت في رعاية الله

[@ بن سلمان @]

أحسنت ابا عادل
من يقول مالك في الغزل
لو بغيت ألهبت قلوب
يعطيك العافية , ما أجمل حضورك

[ما عندكم أحد]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]إنّمـا لازم يجـي متـردّيـة والا نطيـحـة=غير ماتاكل سباع البـرّ والراعـي بشونـه[/POEM]
يعطيك العافية أبا عادل
أقول عدت وعودك أحمد بعد أن قرأت ردة فعل لك سابقة وقد عرفت عنك الحلم والاناة
قصيدة جميلة ولها بعدها الذي لا شك انه كما قال بدر العجمي وهو الذي من ثقافة غير الثقافة انها سلسة في فكرتها وكأني به وصل للمعنى وهذا ما كنت أبحث عنه
من كل القلب أجدني فرحا ومسرورا بل ومشدودا لاني قرأت لأبي عادل شيء مختلف بعيدا عن ما أسميته من قبل ( ... حتى لا يتم حذفها ) .
فعلا استطيع الان ان أنسب في المجالس لابي عادل شعرا مثل البيت أعلاه
أيضا بامكاني ان انسب اليه مثل البيت :

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]غنّت العجمـا ولاجابـت ولاكلمـة فصيحـة=واذهلت كل الحضور بقدّها اللـي يعرفونـه[/POEM]

[سلطان الثبيتي]

الخال ابو عادل
يعطيك العافيه على
القصيدة الجميلة
وعلى قول ماعندكم احد
شي مختلف
واتمنى اشوفك في النظم
اكثر من المحاورة

[{بعيدالنظر}]

الله عليك ياو عادل
ليس بغريب إن قلت إنك بشاعريتك وروعة حضورك مدهش إلى حد أنك تستثير الشعر .
لذلك اقول صح لسانك وسلم لنا هذا الفكر ولي محاوله فقط لمجاراتها .

إنتظرها في صفحه أخرى

تقديري يابحر

[المبرِّد]

الله يخارجنا من كل مليحة

[المشتاق]

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]إنّما لازم يجي متردّيـة والا نطيحـة=غير ماتاكل سباع البرّ والراعي بشونه [/POEM]

[مشعل الثمالي]

مساك الله بالخير ابو عادل
بيض الله وجهك
غزل بعيد المدى
وهدف صابه الرماي
تحياتي العطره,,,

[الشيهان]

صح لسانك يابو عادل مع انقطاعي لفتره قصيره عن المنتدى الادبي الا انني وجدت شئ مثير للاهتمام والقراءه وليس بغريب على شاعرنا ابو عادل