كلمة الحقّ

[شاعر ثمالي]

كلمة الحقّ كلمة الحقّ كلمة الحقّ كلمة الحقّ كلمة الحقّ

أعزائي :

أصبحت( كلمة الحق) عزيزة المنال لمن يبحث عنها وخيمة النتائج لمن ينطق بها . الكثيرون لا يلقون لها بالاً . تبدأ المواقف المضادةلها بالسلبية المفرطة التي يسميها أصحابها بالحياد ثم تتدرج الى أن تصل الى درجة المجابهة وهذا ما يزيدها تغريباً. والقصيدة التالية تصور هذا الوضع :


[poem=font="Tahoma,2,#660000,normal,normal" bkcolor="#FFEDAA" bkImage="" sdImage="sides/10.gif" border="solid,1,#cccc00,#999999" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="1,#000000" break="breaklines/13.gif"]
الله من كلمة ما فارقت بالي = تخلي القلب يغلي جوف غلايه
لو قلتها منتحي وسط الخلا الخالي = نروح ما بين فزّاعة وعدّايه
أفواج ما نعرف الاول من التالي = كل(ن) يقول انت لك مقصد ولك غايه
وتشب نيرانها ويشوطنا الصالي = الكره والغلّ ماتطفي بطفايه
نصبح حديث الرخوم سنين(ن) طوالي = متهوم فالرايحة متهوم فالجايه
يا كلمة الحق ما انتي ملكي لحالي = حتى ولو كان ما فالصف بدّايه
كلاً يقول انت روح وما لك ومالي = لا تمتحني بعد قيّلت معزايه
محايد ومستريح وهمّي ريالي = ريالي اللي عليه اجدّد رضايه
يوحي لي انه منوّل كان خيّالي = ويفور دمّي من اقصايه ليا ادنايه
ياكلمة تخلط الواطي مع العالي= وتفتح لباب الغلط عشرين مشايه
سارت ذريعة ردى بيدين الانذالي = باسبابها تنقلب حايه على حايه
مقامها صار يفجع كل رجالي = من قالها ما لقي فرشة وتكاية
طيّب وش السالفة يا طيّب الفالي = أمشي مع الغالبية واخذ سرايه؟
الصح اواصل على خطي ومنوالي = والا اتنازل عن افكاري ومبدايه؟
اليا تقهقرت كلمة حق تغتالي = واروح معها لو اني رافع الرايه
لكن ابا قولها وارضي بها الوالي = رزقي على الله ومخراجي ومنجايه
في الحق ماهمّني عمي ولاخالي=أغضبت لي ناس بسّ ارضيت مولايه[/poem]