الكده

[منقاش]

الكده الكده الكده الكده الكده

بسم الله الرحمن الرحيم , يالله تهدينا وتهدي لنا , وبعد :

أستأذن من الخبيرين الشيخ سلام والشيخ ابن همام , أستاذنهم أخش راسي معهم في التبحثات , لكنها تبحثات ما تجي تبحثاتهم عليها شي , ولا تنذكر معها أذا ذكرت جنبها , لأنه شتان بين الثرى والثريا , الحيث أن تبحثاتي من الراس وتبحثاتهم (الشيخين) من القرطاس .
وأقصد من كلامي هذا أن العلمات والخرامط اللي يجيبونها لنا مصدرها من الكتب وعن ناس ماتوا الله يرحمهم وأكلهم الدود ولا هم من ثماله ولا من ربعنا ثقيف , وأعتقد أن الكلام اللي مصدره من كتب كتابها من خارج القبيله يعتبر مثل كلام أهل الكتاب اللي ما نصدقه ولا نكذبه .

نعود لموضوعنا اللي أستسمحت فيه من الشيخين حتى أكتب عنه وهو الكده , أعود له وأقوا لهم , بعد أخلص هروجي أن كان عندكم خرامط من الكتب حطوها , وأطلب من أبو عبدالرحمن ينزل صور الكده فوق الماضوع , وهي الصور رقم (78+83 ) من موضوع أني أبو نقشه .



^


الكده :
أسم مؤنث مشتق من الفعل كد (بفتح الكاف وفتح وتشديد الدال) يكد كدا فهو مكدود , لأن الكده كما تشوفونها في الصوره , عباره عن نبات طحلبي يغطي واجهة بعض الصخور, أرتفاعه ما يزيد عن كسور من الملمتر, ويحتاج لكد من الصخور حتى يستخرج .
هذا النبات المتطحلب أدرك أبو نقشه الجيل اللي كانوا يطيبون به ثيابهم ,, وخصوصا عمايمهم يوم كانت العمايم تسمى عمايم من كبرها وجلالة قدرها عند العرب في هاك الزمن اللي ولى يوم كان في الديار عرب وعمايم وأهل عمه وأعتمام .
الكده كانت تكد من واجهات الصخور بحجر مستدق الطرف (حاد) في فصل الصيف وقت جفافها وانعدام الرطوبه من الجو .
ثم تحول لمسحوق ناعم بعد هرسها بالهوند في النجر , ثم يضاف لكل أربع ملاعق من مسحوق الكده ملعقه من مسحوق قشرة عرق (جذر) السواسي .
ولو سألتم عن مسحوق عرق السواسي ؟ , أجيبكم أنهم كانوا يسحبون واحد من عروق السواسيه وينزعون من عليه لحاه (اللحاء) ثم ييبسونه (اللحاء) حتى يجف ثم يهرسونه في النجر حتى يتحول لمسحوق .
وبعد يخلطون ملعقه من مسحوق لحاء جذر السواسي على أربع ملاعق من الكده خلط كامل , يحطون مسحه من الزبده على وجه المجرفه ثم يحطونها على نار هاديه وحرارتها خافته واجد واجد , وعادة تكون جمر ضوت حرارته .
وبعد تحتر المجرفه شويه ولا تصقر يحطون خلطة مسحوق الكده والسواسي في المجرفه ويقلبونها فيها بأستمرار (دقايق) حتى تستوي ويتغير لونها .
ثم يجيبون ماعون فيه سايل الصباغ ألأحمر القاني (عنابي اللون) المستخلص من صرافة السدر بعد غليها في الماء (اللي ما يعرف الصرافه وطريقة أستخراجها واستخراج الصباغ منها يرجع لموضوع السدر) ويضيفون على كل (2) لتر (تقريبا) من الصباغ ملعة شاهي كبيره من مسحوق الكده, بعدها يغلون سايل الصباغ مع الكده ثم ينقعون فيها العمامه أو الثوب ويجفف عدة مرات بين تنقيع وتجفيف حتى ياخذ الثوب اللون الأحمر القاني بالدرجه المرغوبه .
النتيجه : رائحه زكيه فواحه وطيبه للغايه من كل ثوب مصبوغ بصباغ مخلوط بالكده , ولا أبالغ أذا قلت لكم أنه بعد يقوم صاحب الملابس المطيبه بالكده من مجلسه تبقى آثار روائحها الزكيه في مجلسه بعض الوقت ..