اخر الاخبار............

[النادر]

اخر الاخبار............ اخر الاخبار............ اخر الاخبار............ اخر الاخبار............ اخر الاخبار............

[بدون مقدماااااااااااااااااااااااااااات


[POEM="type=1 color=blue font="bold medium Tahoma, Verdana, Arial, Helvetica, sans-serif""]تنشد وش اخر ماكتبته من اشعار=وعن سر غيبات القصيد وحظوره
ياصاحبي هذا السنه كلها اخبار=شي يجوز النشر واشيا محظوره
وشيٍ يبي له شرح واشيالها اسرار=والله يجنبنا دروب الخطوره
الوضع عادي لا التفتنا على الدار=السور واقف والبلا خلف سوره
اول طلوع الوسم خيرات وامطار=وتباشرت كل العرب في بكوره
وراحوا عسوس الخير في كل الاقطار=ورجعوا وكل ماعرف ويش شوره
مالله مبارك فيه واللي حصل صار=فتش عن اسباب الدهر والضروره
ثم بعدها ليل الشتا كله اضرار=مازم يبسه الشتاء من جذوره
وجانا الربيع وشرهت عيون وانظار=وشرهت نفوسٍ تنتظر جي دوره
وبعده تغير وضعنا عج وغبار=عج ٍ يجيب غبار وآخر يدوره
واحنا على ما احنا مع العج عبار=واليا انجلت كل ٍ يدور قدوره
حتى مسلينا نسي دقت الطار=والا نسى شعري وضيع شعوره
واليوم جانا القيض والقيض دوار=مع وين دار تجيك منه الحروره
يبست مفالينا ويبسن الابصار=ودلينا بين الظلوع محجوره
هذي سوالف راعي الذود واشعار=تفسيرها في مغلقات الصدوره
يلقى بها العارف وينقا ويختار=لو ماحصل له غير شمة زهوره[/POEM]

[سهيل2012]

يلقى بها العارف وينقا ويختار ## لو ماحصل له غير شمة زهوره

لا والله حصل أكثر من.. شمّة زهورة ..

ينقا ومنقا ويختار ولا يحتار ..

نص كامل .. شامل .. كافي .. وافي ..

صح لسانك وفالك ( طن ) منقا من مزرعة أبو سيفين !

لأن المنقا حديث الساعة في المنتدى .. ولا بد أن نحلي به المشاركة وياك ..

شكرا لك أخي النادر

سهيل

[النادر]

المشاركة الأصلية كتبت بواسطة سهيل2012

لا والله حصل أكثر من.. شمّة زهورة ..

ينقا ومنقا ويختار ولا يحتار ..

نص كامل .. شامل .. كافي .. وافي ..

صح لسانك وفالك ( طن ) منقا من مزرعة أبو سيفين !

لأن المنقا حديث الساعة في المنتدى .. ولا بد أن نحلي به المشاركة وياك ..

شكرا لك أخي النادر

سهيل

الله يبيض وجهك حليتها ولا حليتها

اما المنقا فالحمد لله يمكن اني سبقت ابو سيفين في اكلها وماذاك الا لفضلٍ منه على اخيه الصغير

لكن وش رايك

تعال ابلعب معك ياسهيل مقطار
ابلعب بدوره وابعطيك دوره
ويش البعير اللي بلا قيد وهجار
وان هاج مر البزر من تحت زوره

هههههههههههههههه اسعد الله كل لحظاتك

[سهيل2012]

المشاركة الأصلية كتبت بواسطة النادر

الله يبيض وجهك حليتها ولا حليتها

اما المنقا فالحمد لله يمكن اني سبقت ابو سيفين في اكلها وماذاك الا لفضلٍ منه على اخيه الصغير

لكن وش رايك

تعال ابلعب معك ياسهيل مقطار
ابلعب بدوره وابعطيك دوره
ويش البعير اللي بلا قيد وهجار
وان هاج مر البزر من تحت زوره

هههههههههههههههه اسعد الله كل لحظاتك

وجهك أبيض أخي النادر .. ولا تلوم زملاءك .. المنتدى هذه الأيام طغت ألوان المنقا على

صفحاته وأصبح الشغل الشاغل للجميع ..

واسمع الرد لا هنت :

اللعبه اللي يدخل بها شك ّ وقمار ْ * ما هي لأخوك سهيل ما ترضي غروره

هذاك مــاله وســم والأباعر بكــار * راح الشــتا وإن هــاج ما ثبّــت حضوره

[النادر]

اللعبه اللي يدخل بها شك ّ وقمار ْ * ما هي لأخوك سهيل ما ترضي غروره

هذاك مــاله وســم والأباعر بكــار * راح الشــتا وإن هــاج ما ثبّــت حضوره

[POEM="type=1 color=blue font="bold medium Tahoma, Verdana, Arial, Helvetica, sans-serif""]حرك حجر وارفع حجر وارقب احجار=في ذا الزمان اللعب صاير ضروره
ياكبر خفه يوم شافوه هدار=ولجة هديره سيل ينذر حدوره[/POEM]

[النادر]

لا اعلم سبب تكرار الرد ؟؟؟؟؟؟؟؟؟؟؟؟؟؟؟؟؟؟؟؟؟

[صاحبة مبدأ]

ما شاء الله تبارك الله أبدعت فيما كتبت

[النادر]

المشاركة الأصلية كتبت بواسطة صاحبة مبدأ

ما شاء الله تبارك الله أبدعت فيما كتبت

صاحبة المبداء

تكحلت بالاطلاله الراقيه

النادر

[رعد الجنوب]

شي يجوز النشر واشيا محظوره
صح لسانك الشعر سمو معنى ومبنى وانت سامي المعاني والتراكيب
ياليت قومي يعلمون البعد الحسي النقي قي العرض

[النادر]

المشاركة الأصلية كتبت بواسطة رعد الجنوب

شي يجوز النشر واشيا محظوره
صح لسانك الشعر سمو معنى ومبنى وانت سامي المعاني والتراكيب
ياليت قومي يعلمون البعد الحسي النقي قي العرض

رعد الجنوب

شكرا لك هذا الاطراء وشكرا لك القراءه الواعية

النادر