هواجيس

[ابو عادل]

هواجيس هواجيس هواجيس هواجيس هواجيس

[poem="font="Simplified Arabic,5,white,bold,normal" bkcolor="transparent" bkimage="images/backgrounds/21.gif" border="none,4,gray" type=2 line=0 align=center use=ex num="0,black""]
ياأغلى من الجواهر والزّمرّد والذهب والماس=تظاهرلي بطاعتك وخضوعك وانت تعصاني
ياأثمن ماملكت وماصرفت وماعطيت الناس=أفتش عنك مالاقيك وانت ان جيت تلقاني
تمرّ وتفني المجهود والأفكار والهوجاس= وانا اللي مرتبط بك وانت في لحظة تعدّاني
على انقاضك نعيش وننتظر رشفة مرار الكاس=ولومدّيت لي كاسك قصيف المدّ ماارواني
وداعك لي على غرّة خطير ويقطع الأنفاس=أكيد اني ضحية لوتفكر يوم تنساني
وانا داري بطبعك يارديف الروح والاحساس=لياودّعت واحد عادتك تستقبل الثاني
عساني ماقتلتك وانت مابين الرجا والياس= ولاطاوعت فيك النزوة وجاريت شيطاني
وعسانا ننهي المكتوب واحنا رافعين الراس=تذكّرنا بخير ونفتكرك بخير واحساني
[/poem]

[حسن عابد]

الله الله يابو عادل قويه
تذكرنا بخير ونفتكرك بخير واحساني

[أبو عبدالرحمن]

صح لسانك أبو عادل..

لا عدمناك ...ولاعدمنا قصائدك...

رائعة الروائع..عطرها فائح...

ومع جمالها ...نشيد بجمال التنسيق البديع..

[اليزيدي]

عسانا ننهي المكتوب وحنا رافغين الراس
فعلا يابو عادل انت دايما رافع راسك وروسنا معك بيض اللة وجهك

[محمـد العجمي]

صح السااااااانك

[مشاكس]

وش هذا الروعة
حيرتنا معاك بهذا لرائعة
صح لسانك لو انك كنت ولا زلت من ألد أعدائي في الميدان فقط

[سنا الهجرة]

جمال الحرف والمعنى والتصوير البديع بين أناملك يا ابو عادل

تسلم لنا شاعر مبدع ومتقن

لا عدمناك يا أبا عادل

[مشقاص]

الله الله يابو عادل
عز الله ان هذه القصيدة اثرت فيني مثل فوز السعودية.

[مشعل الثمالي]

مساك الله بالخير ابو عادل
سلمت وصح لسانك
** قصيدة جدا اعجبتني والاكثر اعجاب
هو انتقائك لموضوع يدركه الشاعر
موبس غالي لدى شاعرية الشاعر
بل اغلى ويكون بينهم الوفاء والاخلاص
وانما الشعر يعطي صاحبه مايريد
بس يخلصله مثل مايخلص معاه
على العموم اعجبني جدا موضوع القصيده
بيض الله وجهك

[ابو الثعالب]

صح لسانك