من هو يبلغ راعي معرف سهيل

[ابوسيفين]

من هو يبلغ راعي معرف سهيل من هو يبلغ راعي معرف سهيل من هو يبلغ راعي معرف سهيل من هو يبلغ راعي معرف سهيل من هو يبلغ راعي معرف سهيل

السلام عليكم ورحمة الله وبركاته وبعد
أحب في البدايه أن أُقدّم خالص شكري للمخاوي الذي لفتني الى تعليقة سهيل على موضوع المزيونه وصدّه الرياجيل عن
حلتي ولم يكتف بذلك بل إنّه تعدّاه الى أن قال إن العَنْوه ماتستاهل حتى قيمة البنزين ولايخفف من ذلك ما أتبعه من قول 0وذلك على الرابط


http://www.thomala.com/vb/showthread.php?t=83426&page=2


وسهيل حقيقة عهدناه رجل متزن ولا تجي منه الزلّه ، ولا نذكر جاه منّا إلا الطيب والمذهب العريب على قول الشّيخ
منقاش ، وزلّة العاقل كبيره ، وغلطة الصّديق توجع 0
كما أنني ألوم كل من قبل هذا الكلام وشاهده ولا علّمني به أمّا ثبت مني خِلّه ورفاها عنّي ولا دفع عنّي الزلّه 0 والحقيقه وانا
من جاني الرجال الطيب بالعلم وانا أشيل واحط على ماقالوا ، هل أعلّق عاني على أبو عبدالرحمن أو أدمحها مثل
مادمحنا غيرها لكن شيطان شعري واذي لايصحو في السنتين الا مرّه غاضه مالمسه من أحاسيسي فحدّثني بالابيات
الاتيه لعلّها تذهب بعض ما ألم بي (( أقووول ))

[poem="type=1 font="bold medium tahoma, verdana, arial, helvetica, sans-serif""]الصبر وقت الصبر طبع الرجاجيل
وليا تعدى منزله صار ذله
من هو يبلّغ راعي معرّف سهيل
إنّا على درب المراجل ندلّه
وانّا ليا جا الضيف ذبّاحة الحيل
نكرّمه والبن الاشقر نزلّه
وان جاه منّا نقص هاذي معاديل
ومجلاسنا في دار شيخ ن يدلّه
وليا جلسنا راعي الميله يشيل
حمله ومن له حمل لازم يشلّه
سلم لجيل اليوم من سابق الجيل
وورث ن لجيل ن مايجي منه خلّه
وليا رفض نجلس نلوم الفناجيل
ونلوم دلتها ومن شال دلّه
وسهيل عندي من رجال حلاحيل
والعرف مايخطاه دقّه وجلّه[/poem]

هذا ولي فالحق مسنّده على ماقالوا وسلامتكم 0

[أبو عبدالرحمن]

لا والله إلا فنجالك مشروووب

والأوله صح لسانك يا أبا السيفين

والتاليه ترى ما ورى المخاوي من علوم زينه

والاخيره ينصاك العلم من سهيل ولا أنس رفيقه صقر

[صقر الحجاز]

صح لسانك يابو سيفين وسمعنا علومك ووجدنا شهودك وعلومك غانمة كلها
الان نسمع سهيل وحبذا الشيخ يمر برفقة المخاوي وعندئذ تسمعون صقر
اتوقع انك ياسهيل نشبت مع المخاويقبل ابو سيفين لكن اسمع

[poem="type=2 font="bold x-large arial, helvetica, sans-serif""]ياسهيل ارفع ثيابك وانتبه لا تطيح فجاة =ربما صاحب يصيدك ربما صقر الحجازي
وانت تدري بالميانه وتعرف ان الحرب عجأة=شوف بصرى الشام فيها صقر ومخاوي وغازي[/poem]

[سهيل2012]

بسم الله الرحمن الرحيم


وعليكم السلام ورحمة الله وبركاته ..

أحب في البدايه أن أُقدّم خالص شكري للمخاوي الذي لفتني الى تعليقة سهيل

ورطك المخاوي كعادته يا أبو سيفين !

( تعليقة سهيل ) والتعليقه ما هي لسهيل ولا شرواه من الرجال مثلك !!

لكن ما راح أدقق يا صاحبي في المفردات ومعانيها .. واللي تمشي نمشيها .....

وصدّه الرياجيل عن
حلتي

أظن الإجابة موجوده على ها الرابط يا أبو سيفين .. وبقلم سعادة البيه المدير !!!

http://www.thomala.com/vb/showthread.php?t=83426

وسهيل حقيقة عهدناه رجل متزن ولا تجي منه الزلّه

وأبشرك كما عهدتموني وإن شاء ما تجيكم الزلة والهرجه المختله ..

ولا نذكر جاه منّا إلا الطيب والمذهب العريب على قول الشّيخ
منقاش ،

واللي يقدم الطيب ينساه يا أبو سيفين .. !!!

وطعم المزيونه لا زلت أطعمه في فمي إلى الآن ...

الله ما أحسن اسم الشيخ منقاش بين ثنايا كلامك .. وقد اسهم ذلك في تهديئة روعي !!

من جاني الرجال الطيب بالعلم وانا أشيل واحط على ماقالوا

يستاهل اللي يرخي سموعه لقوم القال والقيل !!

لكن شيطان شعري واذي لايصحو في السنتين الا مرّه

وين شيطان شِعرك ما صحا يوم المخاوي يوجه سهامه لأبرز حلفائك الشيخ منقاش ..

وين ها الشيطان ما صحا ؟

أعوذ بالله منه ! أقصد شيطان شِعرك .. لا تجي بعدين وتقول يقصد الشيخ منقاش .. ويورطك المخاوي مرة ثانيه !!!


على كل حال الله يحييك ويخلي لك شيطان شِعرك .. باين عليه شيطان كبير وداهية قوي ..

وأقلك ابشر باللي يرضيك .. أفرش بيتك ونرضيك منه ..

ولا تقول البيت ( سراميك ) وهذي العلوم راحت يا سهيل !!

ما أقبل إلا على النظام الأول .. وأجيك وأصف الصفوف من المعدن لين وادي جفن !!

واقرأ ما قاله شيطان شِعري ورده على شيطان شِعرك :



[POEM="type=1 color=#990000 font="bold x-large 'Segoe UI', Tahoma, Verdana, Arial, Helvetica, sans-serif""]يا الله يا ربي عليك التساهيل = فوّضت لك يا ربي الأمر كله

جتني رساله وصلوها المراسيل = ملغمه فيها ثلاثين علّه

أنا أدري إنك راعي البن والهيل = تستقبل الضيف وحجاجك تفله

توفي له المكيال وتعدّل المَيل = راع الكرم والطيب فيكم جِبِلّه

كلمه ولا تحتاج معنى وتأويل = ما هي بعيب ولا فضيحه وزلّه

والله ما تحتاج شكوى وتعديل = تحتاج عالم فاهم ٍ فــ / الأدله

يفهِمِك ويفصّل العلم تفصيل = عالم نحو شاطر يقول وتقله

وختامها فــ/ الصبح والظهر والليل = سهيل ما يخلف ظنونه ودَلّه[/POEM]

هذا ولي فالحق مسنّده على ماقالوا وسلامتكم 0

هذا وسهيل مستعد .. والجواري تجري والدوى يبري .. على ما قالوا وسلامتكم .

[رويعي الغنم]

ألأخوان ألكريمان , شاعرنا سهيل وسيفنا ابو سيفين يحفظهما الله .
لقد حملتي لكما الباب العالي رسالة يقول فيها (بالعاميه) :
أي دعوه من ابو سيفين على سهيل , ابو سيفين هو شاهدها وهو قاضيها , وبدر الدجى هو اللي يوفيه ...
وأي دعوه من سهيل على ابو سيفين , سهيل هو شاهدها وهو قاضيها , وبدر الدجى هو اللي يوفيه ..

[سهيل2012]

المشاركة الأصلية كتبت بواسطة رويعي الغنم

ألأخوان ألكريمان , شاعرنا سهيل وسيفنا ابو سيفين يحفظهما الله .
لقد حملتي لكما الباب العالي رسالة يقول فيها (بالعاميه) :
أي دعوه من ابو سيفين على سهيل , ابو سيفين هو شاهدها وهو قاضيها , وبدر الدجى هو اللي يوفيه ...
وأي دعوه من سهيل على ابو سيفين , سهيل هو شاهدها وهو قاضيها , وبدر الدجى هو اللي يوفيه ..

كفؤ بالشيخ ..يحل ويفتل ويكسر ويجبر ويقول ويطول ..

لطمه موجعه وفي أعلى الجبهة للمخاوي وصقر الحجاز !

ولكن من يعتبر ؟

[صقر الحجاز]

يارويعي مراسل السد العالي
بلغه سلامنا وقله الجمايل كسرت ضهر جميل قبلك

[ابوسيفين]

المشاركة الأصلية كتبت بواسطة رويعي الغنم

ألأخوان ألكريمان , شاعرنا سهيل وسيفنا ابو سيفين يحفظهما الله .
لقد حملتي لكما الباب العالي رسالة يقول فيها (بالعاميه) :
أي دعوه من ابو سيفين على سهيل , ابو سيفين هو شاهدها وهو قاضيها , وبدر الدجى هو اللي يوفيه ...
وأي دعوه من سهيل على ابو سيفين , سهيل هو شاهدها وهو قاضيها , وبدر الدجى هو اللي يوفيه ..

أولا الاخوان ابو عبدالرحمن وصقر الحجاز استميحكما العذر في ان استهل الردود بالترحيب بمندوب الشيخ

يامرحبا يارويعي ، حيّاك الله وحي علومك 0
بلغ الشيخ سلامي وقل له ترى ماحصل خلاف ، والنقاش بين المحبين صابون القلوب ، واحنا كحلف نتناقش فيما بيننا على قاعدة أنا واخويه على إبن عمي ، وانا وابن عمي على الغريب ، ثم ليعتبر هذا من باب التمارين التعبويه حتى لو صحى أحد من الحزب البائد نكون في كامل لياقتنا

أما من ناحية نقاشي أنا واخوي سهيل فأظن إن إحنا مانخرج من إيده لكن العلوم لها باب وجواب وانا طرقت الباب وانتظر الجواب ، وليا حاز الحق عندي ولا عند رفيقي باقي العلوم تهون

هذا من ناحيه ومن ناحيه ثانيه خبّره إننا ننتظر طلّته والغايب عن العين يُخشى أن يغيب عن القلب

[ابوسيفين]

المشاركة الأصلية كتبت بواسطة أبو عبدالرحمن

لا والله إلا فنجالك مشروووب

والأوله صح لسانك يا أبا السيفين

والتاليه ترى ما ورى المخاوي من علوم زينه

والاخيره ينصاك العلم من سهيل ولا أنس رفيقه صقر

صح بدنك ياسعادة المدير ، والمخاوي لو ماحصل من الا انه امتعض من زلّة سهيل كفاه

وانا من ناحيتي آخذ ماطاب لي من كلامه والباقي 0000000000000

مالنا فطوال العلوم نرجع لصاحبنا اللي بدل مايتعذر قام يتهدد ويتوعد لكن الحق ابلج

والباطل لجلج0

[ابوسيفين]

المشاركة الأصلية كتبت بواسطة صقر الحجاز

صح لسانك يابو سيفين وسمعنا علومك ووجدنا شهودك وعلومك غانمة كلها
الان نسمع سهيل وحبذا الشيخ يمر برفقة المخاوي وعندئذ تسمعون صقر
اتوقع انك ياسهيل نشبت مع المخاويقبل ابو سيفين لكن اسمع

[poem="type=2 font="bold x-large arial, helvetica, sans-serif""]ياسهيل ارفع ثيابك وانتبه لا تطيح فجاة =ربما صاحب يصيدك ربما صقر الحجازي
وانت تدري بالميانه وتعرف ان الحرب عجأة=شوف بصرى الشام فيها صقر ومخاوي وغازي[/poem]

صح بدنك ياصقر واليوم ماني مخاطبك باعتبارك من الحزب ايّاه لك عندي لحن ثاني

يابن عمي الاوله العذر منك والله مادريت عن روحتك هناك ولا دريت عن كتابتك الا بعد فات الفوت وليا فات الفوت ماينفع الصوت

هذا من جهتي أمّا من جهتك فانت محقوق من جهتين أولها رقمي عندك وانت عارف إني

أقدر أخدمك بحكم معرفتي بهذيك الديار ، وثانيها تشوف كلام الرجال ولاّ تنصحه

ولاّ

عموما لي رجعه للنقاش معك خلنا نخلص مع ضيفنا وجارنا ونسيبنا اللي ماحمتنا كل ها الامور من زلته وبعدين ننظر فيما بيننا