الطنايا والشاعرة الشمريه منقول

[حسن عابد]

الطنايا والشاعرة الشمريه منقول الطنايا والشاعرة الشمريه منقول الطنايا والشاعرة الشمريه منقول الطنايا والشاعرة الشمريه منقول الطنايا والشاعرة الشمريه منقول

مـع السلامـه يعيـال الطنايـا=يلي على اديار البعيـدة تشيلـون

قفو ظنى الجربان نسـل الشفايـا=هل الطولات معهم يروحون

اقفوا ابعاد الصيت رجال المنايـا=للبصرة الفيحأ وشطـه يعبـرون

وليه تتركون الأهل من اجل غايا=والبعد قطـاع المنافيـع تـدرون

ومن بعدكم دموع عينـي سقايـا=واغدي يلين الوقت وبعده تحنون

وتمت خليه الـدار بليـأ وصايـا=صارت بخت منهم عليها يدورون

وتبكي الجزيره تقول شالوا ظنايا=عافوني البدوان ولاضني ياتـون

اعطوني بأرخص سعر بليأ رضايا=اول شروني بدم وصارو يبيعـون

ولأاغبرت دنيـاي شمـر ذرايـا=شمر مع الشـدات لنـا يجيفـون

غلبأ ليوث الأرض اهـل العطايـا=بالروح عن دار المعزة تجـودون

وشمر على العدوان سيوفه حنايا=اللي به الهامات عن المتن يرمون

وشمر زها دنياي وشمـر رجايـا=يانخوتي بالطيب دايم تحظـرون

تمت خليه البلـد وكـل القرايـا=بيت(ن)بثر بيت(ن) عنه يشيلون

قامت تباكـا عجزنـا والصبايـا=علي رحلوا ياهيه ولاظن يعودون

ومصادفين الخير من دون سايـا=بجاه الذي له الخلايـق يصلـون

لـبوظبي ودبـي ربعـي عنايـا=اطلب لهم توفيق من راعي الكون

وجاء الرد من احد الاعضاء بهذه المشاركة
السلام عليكم ورحمة الله وبركاته

ومساكم الله بالخير




صح لسانك


ولاهنتي ياختي

وهذي القصيده جتنا بالكويت قبل فتره اذكرها ايام سالفة الامارات

وردو عليها كثير من الشعار ومنهم اخوي فواز مجبل الزوبعي


وهذا رد اخوي



ملاحضه علامة
(.........) فيه اسم الشاعره وانا حجبته متعمد

الله يحيي حاميلين الوصايا = هلابهم وسلامنا للي يوصون

وجيب القلم وكتاب واكتب ورايا = سلام للي يالقصيده يحضروون

وارسل لابو محمد كثير التحايا = اكلش اليا من قال افرح ترى تهون

(.........) شكت لفراق جمع الطنايا = وترك الجزيره وناسها الي يروحون

لايا(.........) تبقى الجزيره طنايا = وان راح بعضه بعضة الاخر يسدون

لا(.........) ياما وردنا المنايا = وشلون يعطونه وبالدم يشروون

حنا تعودنا نكون الضحايا = في كل دار مالنا شي مضمون

الوقت شتتنا بكل الزوايا = ناس بشمال الشام وناس بها دون

صرنا بوسط ديارنا كالسبايا = من بعد ماكنا لفا للي ضيعون

وقبلك (.........) ياما فقدنا غلايا = وكل يوم ندعي ربنا بس يردون

شدو ركايبهم وركبو المطايا = ونوو ديار لاقبلوله يهلوون

ملو من القعده وملو رجايا = ملو وفا ملو جفا ملو ذعون

ياما عطو هالدار جزل العطايا = وشو لقو ياكود نكران وطعون

قلته وانا شايل هموم معايا = همي وهم غيري وانا همي بدون

حنا البدون الصمت فينا مزايا = نموت جوع ونقول بكرى يحنون

يادار والله هالصبر له نهايا = والجوع يقلب صايب الراي مجنون

وياما عشانك ناس راحو ضحايا = واليوم بوريقه علينا تمنون

مدري اجاري شكاك وانسى شكايا = والا اشتكي هم على القلب مغبون

قلته وهمي ساكنن بالحنايا = ونسيت وصاة الي لفونا يوصون

وارجو السموحه كان فيها خطايا = وراغ الجواب واختلط رد بشجون

[أبو عبدالرحمن]

الله لطف بهم...

والله لا يبتلينا..

مشكور يا ابو علي على الموضوع..