شربتك وصل

[ابوعهد]

شربتك وصل شربتك وصل شربتك وصل شربتك وصل شربتك وصل

يامتعة النـور نـورك مـن يجـي قـده
لا شرّف النور باعطـاف البهـا يلتـوي
يدري بـك النـور انـك بالضيـا نـده
وتدري بروحي تجي لك علـى ماتهتـوي
يومـك تعـد الوصايـف تخطـي العـده
وتناظر الشوق بقلـوب البشـر يستـوي
ياتينـة العشـق والعاشـق رفـع يــده
لاطاول الغصن من فرط الحنيـن يهـوي
لي عنك مـدة ولـو طالـت بـك المـده
حلمي بلقيـاك حـاوي مقلتينـي حـوي
لك بالحشا وجد بـدري ماوصـل حـده
والا انت غافل وقلبك كثر شوقـي قـوي
ينعش حنيني وجد طاغي يحتـري الهـده
لاهـوب يهـدا جنونـه ولا يـرعـوي
ويضحك لك الجرح لو عيني تبي الصـده
وترقص لك عروق صبري والقصيد يعوي
قامـت بيوتـي تهـادى صـدرهـا اده
والعجز قافه تهايـل علـى واو الـروي
ياللـي قفلـت الـدروب بوجهـة الـرده
قل وين ابا اروح والا وين انـا بانتـوي
وانت القدر وان بغيتـه صابنـي ضـده
وانا احسب اني شربتك وصل لين ارتوي
مابي على كتـم سـرك يالغضـي شـده
ولاني على الصبر ومجالد احزاني غوي
مـن فقـدك النفـس منضامـة ومنلـده
والليل يطويني على تالي نجومـه طـوي
قم والمس الوصل بايـدك والهنـا شـده
قبل اخضر العود يذوي من صدودك ذوي
من غبت والعين تشـري الهـم وتـرده
والشوق يدوي بين جـرد المحانـي دوي