الأصحاب

[عيضه بن مساعد_البدوي]

الأصحاب الأصحاب الأصحاب الأصحاب الأصحاب

السلام عليكم ورحمة الله وبركاته

[poem="type=2 color=#000000 font="bold medium tahoma, verdana, arial, helvetica, sans-serif""]يارب دبرني بزين التدابير = واكتب لي الجنة وَ جِرنيّ من النار[/poem]

[poem="type=2 color=#000000 font="bold medium tahoma, verdana, arial, helvetica, sans-serif""]

يارب سمّح طرقتي حيث ماسير = يالله يالليّ لتخلات ستار

يابن مشيلح حرر الحكم تحرير = وصدّر قرار الحكم لصغار و كبار

الحكم ماهو بيد قاضي ولا أمير = الحكم بيد الله في برّ وَ بحار

لوميّ على الطيب وَ كرره تكرير =أقولها فالوجه ماني بغدار

احتارت أبصاري وَ جات المقادير = والليّ كتبه الله ماعنه مصدار

جاليّ على الساحل لزوم وَمشاوير = مع الظهر بعد الظهر تالي نهار

وامسيت فالساحل بصحه وفي خير = واصبحت عقب امسيت في شر واشرار

واقبلت للصحة وين الدكاتير = قالوا تنظر والدكاتير حضّار

قالوا علامك قلت حمى و تكسير = واشيا كثيرة وصلتني للأخطار

وبّال راعي بل واهوى المسايير = زادي حليب البل مع بن وبهار

قالوا اصف إنا البل ورعى النواوير = وحنا ترى محنا بعميان الأبصار

وقلت الاوله تسمّر العقل تسمير = مادقها فالخف شوكه ومسمار

والثانية تخدّر الفكر تخدير = والثالثة الموت قصاف الأعمار

والله يبارك فالبكار المغاتير = من وبلتن ما حافها كل قفار

قالوا من النامس نحذرك تحذير = قلت اسعفوني يارفيعين الأنظار

قالوا الدوا ما جود ما فيه تأخير = عان الدكاتر فالعيادات وختار

جابوا طبيب(ن) صخّر الطب تصخير = والعافية نسناس والشر جبّار

واختليّ أيام من دون تفسير = لا دق جوالي ولا زاير(ن) زار

نغمة من الجوال شرح وتصوير = نص المواجه يالبيبين الأفكار

أدور أصحاب(ن) من أول طوابير = كما مدور ورث مع ناس قصار

لقيت فيهم قاطع الدلو فالبير = ولقيت منهم من يكثر فالأعذار

والله يامضعف عقول العصافير = طير(ن) جمعه الله من كل الأقطار

أختليّ منها تجارب وتعبير = ولاني هذاك الليّ يبيّح بالأسرار

على شواطي البحر ترسي البوابير = مرست على شاطي نهر بين الأنهار

ياوجد روحي يسيوف المناعير = السيف عز وقالوا السيف بتار

أذكر رحيم يالوجيه المسافير = سعد الرفيق وزبن من كان محتار

وبو حسين الها ورود ومصادير = والبيض تغشاهم عدد وبل الأمطار

ذولا الثنين الهم معزه وتقدير = بالفعل ماهو بالتسنيّ فالأشعار

ذولا رجال(ن) ما تحزي المخاسير = دون الخوي والضيف ومقابل الجار

من كانوا أصحابه غلب سالم الزير = لو كان ما يملك من المال دينار

وترى الذهب ماهو سواة القصادير = يا شايلين أبواك ورقامه أصفار

يا عاشقين الطير حمر الزناقير = طير(ن) جعله الله فالأرض شبّار

لو كان تملا بطونها والحناجير = ما ظنها تجديك في يوم الأعسار

عبرت عن ما شفت من دون تقصير = وكل(ن) نصيبه جاه في سر وجهار

[/poem]