. . . إلغــــــــاء الديــــــــون عن المواطنيــــــــن ....

[ابن محمود]

. . . إلغــــــــاء الديــــــــون عن المواطنيــــــــن .... . . . إلغــــــــاء الديــــــــون عن المواطنيــــــــن .... . . . إلغــــــــاء الديــــــــون عن المواطنيــــــــن .... . . . إلغــــــــاء الديــــــــون عن المواطنيــــــــن .... . . . إلغــــــــاء الديــــــــون عن المواطنيــــــــن ....

امس بالليل كنت معزوم عند واحد من الطحاطيح اللي اذا جلس تحس ان ثلاث خرفان متربعين داخل بطنه يلعبون بلوت … وطبعا تعرفون هالطحاطيح ما يطبخون البوفيه الا بفنادق عليهاالقيمه وبالشيء الفلاني .. فمحسوبكم طاح في المفاطيح والاسماك طيحة قشرا وكن بيني وبينهم عداوة … لدرجه اني استحيت اقوم بعد ما خلصت .. تدروين ليه ؟؟ لاني موقادر اقوم .. ولو قمت بمشي منحني كني شايب طق الثمانين … بس في الاخير قمت وعيوني تدمع وحاس كن واحد مدخل يده من حلقي بينزع مصاريني … ويادوب غسلت يدي و قلت اكرمكم الله … وعلى البيت وزي ما انا بثوبي ما اشوف قدامي غير السرير … وزوجتي تسالني اسوي لك عشا !!! بس الحمدلله ما سويت جريمه ردا على هذا السؤال … اجل فيه احد يسأل واحد بيغرق انقذك يابو الشباب ولا اروح ؟؟ …. المهم اني مدري كيف نمت ذيك النومه الثقيله… و ما صحيت الا على طابوقه طاحت على راسيواتلفت يمين ويسار واتعوذ من ابليس الا وحرمنا المصون جالسه جنبي وبيدها اباجوره خزف مكسوره وتطالعني بغضب (( ماحط بذمتي يمكن مش منها )) و تقول تراك ازعجتنااااااا وجبت لنا القلق طول الليل وأنت تغني وترقص كنك طقاقه … خير وش عندك لايكون كنت تحلم انك معرس !!! هااااااه بتقول ولااااااااااااااا …. قول يله خلصني وش السالفة طول الليل تردد ثوبي ... واتركوا ثوبي ... ولا تمسكونه ... ومين هم لا يكون اهل العروسه قصدك ؟؟؟ ...
اجبتها بلااااااااااا :
ولكني رايت فيما يرى النائم ان فيه شباب راكبين روز رايس وفي سيماهم الصلاح وجلسوا يحدوني وانا بطريق ابو حدريه قلت اكيد يحتاجون شي بس يوم وقفو طلعت سيارتهم الوجه وجه رولز رايس بس مقفاها وانيت حوض واللي سيماهم الخير انقلبت اشكالهم لعرابجه . وسمعت عربجي منهم ينادي الثاني يقول له ياوااااااااااااد يا شيخ الاسهم انته هيه قوااااام نفض جيبه اللي فوق قواااام ياوااااااد هع هع هع (( ضحكة عرابجه )) .... وانت يا عربجي العقار يا بعدي والله نفض جيوبه اللي تحت جزاك الله خيرررررر ... وانت يا يا اخر العنقود يا واااااد يا مساكن خذ ثوبه وشماغه وطاقيته الشخال كلهن لك ... وبعد ما انتهوا من تنفيضي ... قام جاني هالعربجي اللي يتكلم وهو حاط الشماغ على كتفه ومد يده بيقلعني الــــ...... وانا ابكي واااااعيط واصااارخ ..ياخذون اللي يبونه... كل هالعالم وكونه .. الا هافي يتركونه لا تمسه ايدهم ... يا ملكنا يا مليك العرب .. ياحامي جيوب المسلمين .. يا ملكنا ... الا ثوبي يتركونه لا تمسه ايديهم .. ... واااااااااو (( قالتها زوجتي حفظها الله )) باين عليه حلم كله اكشن طيب بسوي لك تركش كوفي عشان تحكي لي على رواقه باقي الحلم …. وبعد ان جائني التركش كوفي وأشرب واسترجع حلمي السياسي الله يكفينا الشر قلت لها …
ما سمعتيني اردد ياااااااحب … يادنيا جديده … يا احلى احلى .. يا احلى ابيات القصيده … ان كان سهمي ما كفى .. بنثر لك اسهوم جديده !!!… وقبل اكمل شعرت بان الحرمه تخزني وكاني قرأت في عينيها ان هناك حب جديد وحياة جديده في حياتي ولكني لم امهلها لتتمادى في تفكيرها
وقلت لها بأني رأيت فيما يري النائم وبعد ان قلعوني العرابجه حتى ثيابي واخذو سيارتي وبيتي وقلمي السايل ابو نص ... رأيت باني بنيت صندقه على جنب الطريق ويوم كملتها عشان احمي ابنائي من حرارة الشمس وهجيرها جائني احد العرابجه وقال انت باني خيمتك بممتلكات وزاره النقل مع راسك... ويجي راعي الشيول ويدكها وهو يضحك ضحكة بباي … سالته بالله تكفى بنقلها كيلو داخل البر قاللاااااااا ياشيخ تبي تبني صندقتك بممتلكات الشيخ عبدالسميع مع وجهك !! … قلت طيب خمسين كيلو قال برضه ممتلكات وزاره الزراعه … طيب الف كيلو قال لا ممتلكات الحياة الفطريه … طيب وين اروح ؟؟؟ قال روح انقلع انت والثعلبه هاللي براسك هذا مو شغلي اصلا انت واشكالك عالة على البلد ..
... ثم رشفت رشفة من التركش كوفي ووضعت الفنجان على الكومدينه ونزعت من راسي قزازه كانت عالقه بشعري من بقايا الاباجوره ... وسالت زوجتي :
هل سمعتني عندما كنت احلم وانا اغني
...هذه ليلتي وحلم حياتي ... بين ماض من الزمان وأتي ... !!!
هذي الله يطول لي بعمرك فقد رايت فيما يرى النائم ان الوالي طلع بالتلفزيون وهو ناطل البشت فوق الطاوله ويتكلم لمواطني دولة غرناطه يقول لهم لقد قررنا الغاء كل مديونات الشعب .. ومثل ما الغينا مديونات المساجين ... فالمساجين خارج السجن اكثر وربما اشد حاجة ... واكمل حفظه الله قائلا هذا شعبي عزوتي لا ادلهمت بنا المدلهمات ... هذا شعبي اللي احبني وسأقابل حبه لي بفك اسرهم من ديون البنوك ووكالات السيارت ... هذا شعبي ليه انا ابخل عليه ... هذا شعبي وداااامه شعبي راااضي فيه (( الله يا عبدالكريم ))... ياحاااااجب نفذ امرنا حالاً وفك المواطنين من الديون ولا اشوف مواطن بعد كذا يوطوط عند باب بنك يقول عطوني قرض (( وربي لتبنا توبة نصوووووح ))... طبعا انا كنت بالحلم وفاتح فمي مو مصدق ... حتى وانا بالحلم اقول انا بحلم ولا علم ... الا وهو علم لكن بالحلم ...
طيب يازوجي العزيز ليش سمعتك تردد من بادي الوقت ... وهذا طبع الاحلام ... عذبات الاحلام ماااااتمدي لياليها ما تمدي لياليها...طالعت فيها وسكبت عبره حاره بل سيل من العبرات جعلت الاولاد يتطوقون باطواق النجاة حتى لا تغرقهم سيول عباراتي التسوناميه وقلت لها ... باني كنت صحيت على الاباجوره اللي صفقتيني فيها على جمجمتي وعرفت ان الوالي والحاجب كانوا مجرد حلم حلمه مواطن (( سعودي )) احب هذه الارض وأحبته .. وعشقها وعشقته ... ولكن ... ولكن ... كبرائها وتجارها جعلوني اردد ... عذبات الاحلااااام ما تمدي ثوانيها .... وخلوهاااااااااااااا ... يسرقون اللي يسرقونه ... وينهبون اللي يبونه .. بس خبزي يتركونه ... لا تمسه ايديهم ... حتى اكلي ياكلونه … ويتركو لي جبنه وتونه ... ولاااا تمسه ايدهم

وسلامتكم

منـــــــــــــقول قص ولصق

[ABO TURKI]

بن محمود هذا لا يعدو كونه حلم
يعني ردد يا ليل ما اطولك أصلا لو صار هذا نص الشعب بيجيه جلطة لأنه مو مصدق
نقل رهيييييييييب