منقاش يجعجع على جعجع وخوياه .

[منقاش]

منقاش يجعجع على جعجع وخوياه . منقاش يجعجع على جعجع وخوياه . منقاش يجعجع على جعجع وخوياه . منقاش يجعجع على جعجع وخوياه . منقاش يجعجع على جعجع وخوياه .

اليوم السبت يوم شع النور الا والمخاوي وزملوق وجعجع وجنبلاط طابين عليه ومعهم كم رزمه من القروش رموها في طرفي (1000000دولار) , ومعها شوية حشيش جابه المخاوي يشيل فيه على راسه ورماه في المذود على حماري .
و بعد عديت القروش اللي كانت كلها دولارات ام خمس ميه حييت بهم وكثرت لهم في الترحيب حشمه للقروش ثم قلت لهم : ثاني مره يا أخواني أذا جبتم لي قريشات لا عاد تجيبونها بالدولار المروح اللي كل يوم مدحدر في النزول واخشى يجي يوم ما عاد يجيب قيمة الحبر والورق اللي أنطبع عليه .
أفطروا عندي على معروكة بالبر والسمن والعسل واتبعوها باللبن وتقهووا حتى تكيفوا ثم قلت لهم هيه هاتوا علومكم يا ضيوف الرحمن , النهار أضحى عليه وحلالي ما فكيته بعد حتى يسرح يرعى في مفاليه ..
بغى المخاوي يثرمد بكم كلمه وسكتوه خوياه وقالوا له : يا مخاوي أنطم وعلى فمك الشحم (من حق السيارات) ,, أنت يا مخاوي ما جبناك معنا الا حتى تشيل لنا الحشيش , والعلوم خلها لغيرك من الرجال اللي تعرف توردها وتصدرها ,, قلت لهم : خلوا السعه في خطركم , والمخاوي خويي أعرفه ما يعتمد عليه يربط عنز والا شاه مقصره من حلالي .
قام جعجع من مجلسه ودنا مني وهطش بهاك البكوه قدامي اللي هزمتني , وحاولت أهديه ولا سكت ووقف البكا الا بعد حطيت رضاعه في فمه مليانه بشويه من حليب الجحيشات , وبعد رضع الحليب كله هدا وقدر يهرج ثم قال :
يا سيدي يا منقاش , السيد حسن نصر الله قايد حزب الله نصره الله علينا ولعب في حسبتنا وداس بقدمه في بطوننا حتى ذرق بعضنا دم من شدة الفجيعه والرعب ,,, يا ولد , بالحرام أني شفت عزرائيل بعويناتي هذي اللي يبي يا كلها الدود ,,, شفته ولا أقول شافه غيري , وكنت أظن أنه جاي يسنعني ليلة أجتاح حزب الله بيروت .
وجنبلاط هذا المسكين اللي قاعد قدامك واللي كان حتى أمس يهرج مع راس خشمه أصبح اليوم منتوف ريشه وأذانيه مهطبله ومصاب بفنزولا الطيور , وتراه من رعب نصر الله ما عاد يمشي الا بحفايظ بامبرز وحبوب من أقوى المهديات .
ألتفت على جنبلاط وقلت : وأنت يبو شنبات اللي ما دواها الا من كان يحلقها , ويش بعيونك مسهمه ما كنك (يكرم من يسمع) الا شارب برميل من العرق ؟,, رد عليه وقال : خليها عالله , أنا بعرء (يتعرق) في اليوم خمس براميل من رعب حزب الله ونصر الله .
وترانا ناصين الله ثم نا صينك يا منقاش تنقذنا من الورطه اللي ورطتنا فيها أسرائيل وامريكا ثم تركونا لوحدنا حزة الله الله وتخلوا عنا في حزم المعوره , ولو ما الله ثم تعقل من حزب الله والا كان لقيتنا هالحين مشنوقين برقابنا في أعواد المشانق والا معلقين برجلينا في أعمدت كهرباء بيروت .
ضحكت ضحكة نقده من طلبهم وحالتهم المكسفه وقلت : وانا ويش تظنون بيني وبين حزب الله من علاقه والا نسب حتى أنقذكم من ورطتكم يا فريق حسب الله ؟ , قالوا , أنت ناسي أن رفيقكم أبو حمزه الثمالي أكبر راوي عند الشيعه ؟, ونبغيك تشيع حتى يسير لك عندهم حضوه تحاول بها تخرجنا من الورطه اللي لقينا أنفسنا فيها .
قلت أسمعوا يا ضيوفي ودخلايه : أنا سني واعرف أني أن شاء الله على المنهج الصحيح , منهج أهل السنه والجماعه , واعرف أن عامة الشيعه ما يدرون أنهم على ضلال ويعتقدون أنهم على حق ويتعبدون الله بما يعتقدون , أسأل الله لي ولهم الهدايه ,,, واعرف أنهم يشهدون أن لا أله الا الله وان محمدا رسول الله , واعرف أن أمريكا واسرائيل تسعى ليل ونهار حتى تشبها حروب طائفيه بين المسلمين , واعرف أن الشيعه أقرب لأهل السنه منكم ومن ربعكم يا جعجع ويا جنبلاط , واعرف أن موقف حزب الله مشرف في مواجهته مع أسرائيل ومع الأقصى ومع قضية فلسطين واهلها , وموقفكم تآمري ومخزي يا خونه أخزاكم الله .
كنت التفت على شوني (عصى) أبي التقطها وأحطها على صلعة جعجع وجنبلاط وعلابي خوياهم المروحين اللي جوني معهم , لكن حال بيني وبينهم راعي السواني اللي أخذ من لحيتي وقال عيب عليك يا منقاش تهين الرجال على فراشك ومعاشك وتنجس يدك بمدتها عليهم ,,,, وترى اللي جاهم من حزب الله كفاهم واللي مقبل عليهم أشد ,, والقروش اللي أعطوك أياها تهناك ورزقك جابه الله الى على حدك في وسط بيتك .
رديت على راعي السواني وقلت : طيب قل لهم يذلفون هالحين وبسرعه يغربون عن وجهي قبل أتقرب لله بواحد منهم...

[أبو عبدالرحمن]

ما ش يا منقاش

العلوم تغيرت ...وليس من شاهد كمن سمع!!!!

اسمع وشاهد التقارير من نفس المنطقة..وكيف أصبحت القضية عقائدية وحزبية...

وشورت ضيوفك ..فكّر فيها..وترى الدولارات هذه المرة جاتكم والمرة الثانية تروح لغيرك..

[غضنفر]

يا شيخ منقاش ما شاء الله عليك جاك رزق لوسط بيتك واظنك ما تبخل علي

وما سمعت انهم جاين يمي

[ابوسيفين]

والله ياشيخ ودي اصدقك لو انك جيتنا بشي يدخل المخ لكن كل هذا الدولارات ويعطونها سني

هذي فيها نظر ، صحيح ان الذرقه واصله معهم حدها حتي ان بعض وسائل الاعلام نشرت صورا

لقائدهم يرتعد في عز الصيف





لكن وأمام جميع وسائل الاعلام ابو صلعه نص يقول انه يقدر عمامه الشيخ (0000000) طبعا ماهو

منقاش 0عموما يظهر ان الربع الان عذروا منك للعلوم اللي جاتك ولعلوم ثانيه ماتبطي وتسمعها من

دار (( الموز )) وأخاف ان مابقي متمسك فمشيختك الا حنا لكن نارك على ماقالوا ولاجنه غيرك0

اما هديتهم لحمارك فالعرب صاروا يتخبطون وان ما وريتها للربع فاسمح لنا ياشيخ بنشر صورها 0

[ابو هاشم]

شيخ منقاش عذرا
اريد ان اسأل سماحة السيد منقاش
الا ترى ان كلا الطرفين (حزب الشيطان وسوريا وايران) من جهة (وجن البلاط وجعجع ابو وجع وصاحب صاحبنا وبوش ) اخوين
وكلا الحزبين مظراطا
يعني لا هيك نافع ولا هيك نافع
وليس لها الا راعي المشاريع وعماله
يبنون لهم عماير يوم ويهدونها على روسهم اليوم الثاني
والى لا ياسماحة السيد

[سنا الهجرة]

مصائب قومٍ عند قومٍ فائدُ

[أبو علي]

منقاش سيد منقاش كنك ودك تشيع ترى الشيعه ها الايام يطمرون ..............................................

[منقاش]

أعوذ بالله من الشيطان
ابو عبدالرحمن : أتركنا من جعجع وجعجعته وقل لي ويش رايك تخليني أكون ساعدك الأيمن وأسير المشرف العام وانت المساعد حقي ؟,, نصيحه خذها والا كبها ,,, ترى خير من أستاجرت القوي الأمين .
غضنفر : هو من اللي يقدر يجيك وانت حاط قدامك هالأسد مثل نصر الله يوم حاط قدامه أسد سوريا ؟.
أما القريشات فلا تبكي عليها , لأني يوم جيت أودعها في البنك لقيوها مزوره وبعدها كلبشوني وبالكاد وبالشفاعات والمرافعات والصياح والنياح نجيت من السجن .
د مشعان : بالله عليك تفكنا من هالصوره المشؤومه اللي حاطها في توقيعك وبعدها رايح تصدقني وتكذب جعجع وجنبلاط .
ابو هاشم : المعادله بسيطه ولا يبغي لها تعب ,, الجنب اللي تشوف فيه أسرائيل أعرف أن فيه كل الشياطين .
الشاعر الكبير سنا الهجره : الله يكفينا ويكفيك شر بلاوي الهجره ..
ابن عزاب : ويش بك مرتبش وتقدم وتأخر في القابي ؟ , أركد وبعدين أسعل سماحتي وفضيلتي عن اللي تبي ...
مدهش : ليش ترفع موضوعك على موضوعي ؟ , أنتبه , تراك تلبش بي ما أدري ويش تدور من ورا اللبايش ؟.
المخاوي : أنطم وكل تبن ...

[غضنفر]

سماحة الشيخ منقاش

انا ما جبت الاسد في المنتدى الا لحمايتك بعد الله عز وجل من المعارضين لك ولوجهات نظرك .

اما بالنسبه للفلوس الحمدلله اللي علمتني عنها علشان ما ابني عليك امال .

سماحة الشيخ العلامه اتمنى من الله ان يشرفني بالجلوس مع سماحتكم والأستناره بعلمكم .

وجزيت عن الامة العربيه والاسلاميه كل خير .

[مخاوي منقاش]

اية الله الصغرى سماجة (بالجيم المعطشة)الشيف(الطباخ)منقاش الكذوب/ اريد ان اوجه اليك عدد من الاسئلة-0
مالك ومال المخاوي على قولة الجيازنة(؟)في (؟)
هل تعرف مذهب الدروز؟
مالون العمامة التي سترتديها؟ان كانت بيضاء فانت سيد دخلت بالبويضة ليلة عاشوراء وان كانت سوداء فانت اما ان تكون ممن بلغو شأوا عظيما بالفقه والعلوم الدينية لا تصل الى اية واما ان تكون موسويا اي من سلالة الامام موسى بن جعفر بن محمد بن علي بن الحسين بن علي وفاطمة بنت محمدصلى الله عليه وسلم ورضي الله عن ال البيت
يقال ان هناك سيخ وقور كمنقاش وله صديق قسيس وطفارى(على الحديدة ) قال الشيخ لصديقةوش رايك نروح للمطعم الفلاني بس كل واحد ينثبر على طاولة وبعد مااكلوا جاء الجرسون للقسيس قاله الحساب قال اعطيتك الحساب وبعدما ارتفعت الاصوات وجاء مدير المطعم قال القسيس اسالو مولانا الشيخ فسالو الشيخ شفت القسيس حاسب قال نعم وايم الله قال الجرسون امتى يامولانا قال بعد ماحاسبتك مباشرة 00

وقد حصلت لي قصة بالمدينة مع الشيعة سارويها لك شخصيا خوفا من شماته بن سلمان0

قايد الطابور/لقد هانت وقرب الفرج ولولا شفاعتنا عند عظماء المسؤلين لما سمحولك بالعودة وخلك مثلي حذر وشجاع في نفس الوقت 000 نتطلع لانظمامك لحزب العدالة ودع منقاش الي ماجاب خبرك لاهي يفصل عمائمه