ليله رعيده

[حسن حامد]

ليله رعيده ليله رعيده ليله رعيده ليله رعيده ليله رعيده

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يابارق فرح شعوب ومماليك =كنه على راعي الفجيره مشرع
ارقب سنى نوه وادور اشافيك = واسبر غيومه عل هالنور يرجع
غيمه كبيت وشارقه غرب يوحيك= احذر ليامن الغدر زاد تفنع
كتم دقايق وارعد الصوت يطريك=كنه يقول اسمك وكبرت وتعتع
منته عاى بعضك في هالليل وش فيك=وش فيك هايج لهجتك حط وارفع
قال العتب فيني وانا حي واحييك= ايجرني صوتك وانا احيل واطمع
مكتوب في دفتر محاويك حاويك =وانا حويتك لجل ترضى وتقنع
قلت البلى مني وانا اليوم شاريك= والسيف الابهر رغم كلته يقطع
ممشي بدرب قد مشوه الصعاليك=اركز عصاتي فالثرى وآتوقع
الطيب وانفاس العدى والمحاريك= وبارود لاتفنى ولايوم تلمع
الزين وعلوم البدو والتفاريك =والكيف لامنه على الراس وقع
هذي سلومي لارقيت بضحاويك= ارمي الحصاوي وافتقدها وانا اجمع
وياحايل بيني وبينه ابرجيك= نزل دموعك بسري الليل ودمع
كل الدموع اللي تقاطر تناجيك=تنزل دموعك فوق دمعي وترقع
طالبه يرسل من علومك مساويك= وعيا ل هذا اليوم يازين يقنع
ويافجر يوم صاحبه بالندى ديك =هيض شعوري والخواطر تشفع
طيبت انا الخاطر وللحين ماوحيك =شفني على ذيك المطاليل ماانفع
جالس عليها واذكر ايامنا ذيك= كيف انها سارت من الموت ابشع
كيف اهدمت جسر الموده مراويك =سرت الشقي والعمر زينه تقطع
تسريبي الاوجاع كلما حكوا فيك =والراس شيب شعره اليوم مصرع
العضم آيل للسقوط بمساريك =والهم كنه بالجنازير يرصع
والقلب من كثر اشتياقه معاديك=قفل كتاب الحب ولاعاد تبع
وعيوني اللي في غيابك معاريك =ماشي يعجبها بطرياك تلذع
عمري فنى صوتي رخى من مساويك =دمي ودمعي راحت سدى وانا ادفع
ان قلت حبي مات ولاهي مساعيك =باْصرخ باْعلى الصوت وش قات ماسمع
يامبتعد عني عسى العمر يهنيك= ارجع ترى ليلي وسرياه تفجع
ياعالم باْرضي ولاادل اراضيك =ارجع لعل الصبح يازين يطلع[/POEM]

[أبو عبدالرحمن]

صح لسانك يا حسن..

شاعر لا جدال ...ولا نقاش

[سنا الهجرة]

يامبتعد عنـي عسـى العمـر يهنيـك

ارجـع تـرى ليلـي وسريـاه تفجـع

ياعالـم باْرضـي ولاادل اراضـيـك

ارجـع لعـل الصبـح يازيـن يطلـع

صح لسانك يا شاعرنا حسن

جميل ان نرى مثل هذا الابداع >> ومشتاقين لما هو قادم

[أبو عبيدة]

صح لسانك

[محمد بن حميدان]

عز الله شاعر يا حسن ...

بيض الله وجهك على هذه القصيده ...

[@ بن سلمان @]

صح لسانك حسن

[حسن حامد]

مشرفنا ابو عبدالرحمن شكرا على المرور

[حسن حامد]

يعطيك العافيه ياسنا الهجره ولا يحرمنا منك

[حسن حامد]

صح بدنك يا ابو عبيدة

[حسن حامد]

بن حميدان
وجهك ابيض وعساني معدمك