هديتي لابي امجد

[النجم الساهر]

هديتي لابي امجد هديتي لابي امجد هديتي لابي امجد هديتي لابي امجد هديتي لابي امجد

[POEM="type=1 bkcolor=#99CCFF color=#333399 font="bold medium 'Segoe UI', Tahoma, Verdana, Arial, Helvetica, sans-serif""]هلا يامرحبا ترحيب وافي ماعليه سدوف=تراحيب يزينها الشمطري والنفل والعود

بكم يالشاعر اللي لافى يسكن حشاش الجوف=ويلقى به مودة بعد غيبة والعتب مردود
تغني في كرم حايل واهلها والكرم مكشوف=وديرة مثل حايل عزها ماينتهي ويزود
ولكن الرجال بكل ديرة فيهم المشعوف=وفيهم من يوردها يصدرها بلا مجهود
ولا انته ياولد عمي لمدحه بالشعر مكلوف=ولا اظنك على بعض المعاني ياخوي محدود
يكود انك من ارباب الزيوت وتمره الملفوف=وشرهات يقدمها وقيدكم بها بقيود
ترى بعض المعاني فالملاقا مثل ضرب سيوف=ومنها ياعميل الخير مثل النار والبارود
انا ودي تعلمني وش اللي يدفعك للروف=بمن يخلط علومه بين جد وهزل مع منقود
تعب فكرك وكتب شعرك معاني كلبوها حروف=وكل حرف يرد اله التحيه بالقصيد جنود
من الدمام لاجدة ومن نجران حتى الجوف=مثل منقاش ماتلقى كريم وللعطا مقصود
ولا عيني تحلت مثل زوله لانظره الشوف=ولا من قال كل الناس تسمع مالقيت صدود
هبوب النود لاهبت لقيت الناس عنها عزوف=ولا من نسنس الغربي تحلا بارقه ورعود
هذا منقاش يالشيهان حاضر والعيون تشوف=تورع قبل تاقع وانت من بيت ونسب معدود

[/POEM]
وتقبل تحيات اخيك النجم

[/poem]

[النجم الساهر]

خي ابا عبد الرحمن

يبدو ان هناك مشلة في التنسيق

فهل لديك معالجة للامر

[منقاش]

هذي هي المواطن اللي تنظم فيها ألأشعار ومزايين القوافي , وهذا هو الشاعر الوافي والا بلاشي , الشاعر النجم الساهر كثر الله من أمثاله.....
ولشاعرنا الكبير النجم الساهر أقول : كذه النجوم عاليه في سماها , جميله ولامعه في زهاها وبهاها , مضيئه في علاها , ما تاه في البيد من نصاها .
صح لسانك , ولا فض فوك , وكثر الله من أمثالك , أما الشيهان فلا تذرف عليه دمعه واحده , لأنه كيس شعير واحد يجيبه وكيس شعير يوديه , نسأل الله لنا وله الستر وحسن الخاتمه , وشكرا لك يا نجمنا المبدع ....

[أبو عبيدة]

صح لسانك

[سنا الهجرة]

الله الله الله ..
وش هذا العلم يا نجمنا الساهر

انت خلتها على قول طاش كندي .. حاااااااااار يا فول
كان خليت المخاوي يفرح بقصيدة الشيهان ولو اسبوع

بس ما شاء الله عليك جزاله وجماله ليس لحزب المخاوي قبيل بها .. ولو اجتمعوا على صعيد واحد . وقلب واحد >>> ولن يفعلوا .. !!

الحققه انك قلت ما كان في نفسي وعجزت أحرفي ان تترجمه . ووفيت عني . وكفيتني حرج الرد على الشيهان نظراً لصلة القرابه التي تربطني به .

بيض الله وجهك يا شاعرنا المبدع

[النجم الساهر]

شيخي وامام حلفي

الشيخ منقاش


انا سعيد بوجودك بيننا دائما لتذود عنا كل مبتذل بكلامك الجزل ورأيك الممتلىء رجاحة وعقل

ادامك الله وابقاك ولاحرمنا توجيهاتك ورؤياك

عش سالما ايها الشيخ المبجل

محبك النجم

[النجم الساهر]

اخي ابا عبيدة

سعيدون بك معنا شاكرين لك مرورك

لاعدمناك

[مخاوي منقاش]

اخي الشيهان /حز في نفسي ان تزج نفسك واسمك في مواجهه غير متكافئة مع من هم دونك ولكن قائدك المتشيعر سوف يتصدى بقدر استطاعته لهولاء الشرذمة وان عجزت خلك زاهب وقد فؤجئت ان البيوت الاخيرة من بحر لم اعهد سماعة لم احاول طرقة ولكني قلت ثلاث بيوت ان كانت على نفس الوزن فقل لي استمر او قلي اثبر (بس بادب)00
لاجيت ابي اكسر الريشةوطفي لواهيب الحروف
لقيت الملعب مليانه فيها عربان وهنود
فيها منهو نجم ساهر شاعر بس انه ملقوف
ومعهم سنا ولد الهجرةتعبان وحيلهو مهدود
ويوم(ن) دخلت والشيهان تعبت من التصفيق كفوف
كل ينادي لبو امجد والباقي مايعرف سعود

[النجم الساهر]

الشاعر العلم مطوع الحرف ومالك القلم

سنا العجرة

ان كان الشيهان هوقريب لك فهو عندنا ولنا افرب

كيف لا وهو يعرف مكانته لدينا ونحن نعلم من نكون له

ولكنها مجاراة لكسب وده والوقوف على ماعنده

فعسى ان يصفح عنا ان زللنا ويمنحنا ثقته ليزداد بذلك املنا

وانت ايها السنا

بصماتك في هذه الواحة ظاهرة وحبك لنا واعجابك بنا ظاهرة

نستمد من توجيهاتك ونتعلم من كتاباتك وعي تماما همساتك

لاحرمنا الله منك ومن جهودك دمت لنا ودام وجودك

محبك النجم

[مجنونها]

صح لسانك يالنجم الساهر
أنت تقول والشيهان يستاهل
والمخاوي يستاهل