كلنا شخص واحد

[ابو عادل]

كلنا شخص واحد كلنا شخص واحد كلنا شخص واحد كلنا شخص واحد كلنا شخص واحد

السلام عليكم ورحمة الله وبركاته
كل عام وأنتم بخير وعافية وإلى الله أقرب.

[POEM="type=1 bkcolor=#33CCCC color=#000000 font="bold x-large 'Traditional Arabic', Arial, Helvetica, sans-serif""]جدّ جِدّ القصيد وشبّ روس الفتايل =وهلّ برقه وهلّت به مزون القريحة
هاج بحره على شاطيه صايل وجايل=لاقصيدي رخيص ولاهجوسي شحيحة
كان باح الصبر غيره حلول وبدايل=تعدل اللي تجرّا والحمى يستبيحه
آخر الوقت تطمعنا سروح القوايل=لاوستين كلاّ ياالوجيه القبيحة
منكرين الجوار وناكرين الجمايل=لاردعهم ضمير ولاهدتهم نصيحة
باعوا نفوسهم للي تطف المكايل=دجّنوهم وساقوهم مساق الصطيحة
مايدنّس ثرانا كل غاوي وعايل=دونها ارواحنا وقلوبنا مستريحة
مادريتوا باهل بيشة وعرعر وحايل=واهل طيبة ونجد وكل بقعة فسيحة
ومنعة أم القرى والا السراة ومحايل=من نواها بمكر امسى وهو في ضريحه
كلنا شخص واحد من شعوب وقبايل=نردع المعتدي وننزّله في مطيحه
لوتقوم القيامة ماغدينا ذلايل=نطبق الطاق والبارود جنب القديحة
ماعليكم مخافة ياكرام الشمايل=أعلنوها على الغاوي ثمانين صيحة
ولعوها عليهم من يمين وشمايل=واتركوهم كما المتردّية والنطيحة
من تطاول ومدّ ايده لجمر الملايل=ماتجيه ايده الاّ من لظاها جريحة
ومن تعدّى حدوده ذاق مرّ الهوايل=وانتهت به تحت نصب القبر والصفيحة
أشبعي ياسباع البرّ قوم الفعايل= قدّموا واجبك وافي ذبيحة ذبيحة
"الله أكبر" على الخاين عديم الدلايل=رددوها على راسه عبارة صريحة[/POEM]

[ابو عادل]

ملحوظة للإدارة :
منسق القصائد الشعرية السابق أفضل من الموجود حاليا
ياليت ترجعونه
شكرا لكم

[admin]

المشاركة الأصلية كتبت بواسطة ابو عادل

ملحوظة للإدارة :

منسق القصائد الشعرية السابق أفضل من الموجود حاليا
ياليت ترجعونه

شكرا لكم

سلمك الله يا ابو عادل
بالعكس المنسق الجديد أفضل وأسهل وأجمل .فقط يحتاج معرفة الخصائص الجديدة فيه .وتنسيق القصيدة كذلك .
http://www.thomala.com/vb/showthread.php?t=46877&page=3

لاحظ رد 29 والبقية

[سنا الهجرة]

المشاركة الأصلية كتبت بواسطة admin

سلمك الله يا ابو عادل
بالعكس المنسق الجديد أفضل وأسهل وأجمل .فقط يحتاج معرفة الخصائص الجديدة فيه .وتنسيق القصيدة كذلك .
http://www.thomala.com/vb/showthread.php?t=46877&page=3

لاحظ رد 29 والبقية

بالعكس يا ادمن >>> المنسق القديم أفضل بكثير من هذا ..

لكن أمرنا لله اذا ما فيه حل ..

هذا فيه مشاكل كثيره .. ومنها على سبيل المثال لو سويت معاينه تشوفه تمام وبعد ما ترسل القصيده تلاقيه تغير .. وفي حاله الاقتباس كذلك يتغير وخاصةً البيتين الاولى

كذلك كبر الخط اللي ما يعرف له يجعل المتصفح ممل حينما يعرض اكثر من اللازم .. وغيرها من مشاكل

[ابو عادل]

المشاركة الأصلية كتبت بواسطة سنا الهجرة

بالعكس يا ادمن >>> المنسق القديم أفضل بكثير من هذا ..

لكن أمرنا لله اذا ما فيه حل ..

هذا فيه مشاكل كثيره .. ومنها على سبيل المثال لو سويت معاينه تشوفه تمام وبعد ما ترسل القصيده تلاقيه تغير .. وفي حاله الاقتباس كذلك يتغير وخاصةً البيتين الاولى

كذلك كبر الخط اللي ما يعرف له يجعل المتصفح ممل حينما يعرض اكثر من اللازم .. وغيرها من مشاكل

أضم صوتي لصوتك
ولاشك أن الإخوة في الإدارة يأخذون مثل هذه الملاحظات مأخذ الجدوسيعملون على إيجاد الحل
الله يعينهم.

[ابو عادل]

المشاركة الأصلية كتبت بواسطة admin

سلمك الله يا ابو عادل
بالعكس المنسق الجديد أفضل وأسهل وأجمل .فقط يحتاج معرفة الخصائص الجديدة فيه .وتنسيق القصيدة كذلك .
http://www.thomala.com/vb/showthread.php?t=46877&page=3

لاحظ رد 29 والبقية

شكراً لتجاوبك السريع أخي أدمن
لكني بكل صراحة أجهل العمل بهذا المنسق
تقديري لك.

[ماندم من سكت]

صح لسانك ابدعت

يا ابـــا عادل
مدد بلا عدد

[ابو عادل]

المشاركة الأصلية كتبت بواسطة ماندم من سكت

صح لسانك ابدعت

يا ابـــا عادل

مدد بلا عدد

صح بدنك وسلمت يداك.

[السنافية]

لاقصيدي رخيص ولاهجوسي شحيحة

وأنا أشهد شاعر متميز وقصيدة تستحق التميز

[ابو عادل]

المشاركة الأصلية كتبت بواسطة سنافيه

لاقصيدي رخيص ولاهجوسي شحيحة

وأنا أشهد شاعر متميز وقصيدة تستحق التميز

التميز في مرورك وإطرائك
شكراً لك.