أني أبو نقشه

[منقاش]

أني أبو نقشه أني أبو نقشه أني أبو نقشه أني أبو نقشه أني أبو نقشه

هذا منقاش غير هراسينه (خمالينه) ومعود عليكم بخلقان جديده , وغير بردعة حماره بواحده محشيه بريش النعام وغير له الرشمه والقياد والمخلاه والتبع والخطام , وهذا أنا جيتكم من سد الأرواع , جايكم من بعيد بعد غياب قريب .
يا رفاقتي كنت أكرهكم يوم أنا معكم , ويوم غبت عنكم اوحشتكم وانتم ما أوحشتوني يا وحوش وغير رزقك يبن آدم ما تحوش , وكنت اذا ذكرتكم أقعد أنغف واحيان أتحلم بكم في الليل .
المهم أنها كبرت وهانت , طرده من المنتدى وردتنا له الواسطه نعنبوها (يعني أنعم بأبوها) .
والختام , يا مخاوي يا زفت لا ترحب بي , تراني ما أطيقك ولا أطيق المروحين ابو أمجد وابن عزاب ورويعي الكلاب .

[@ بن سلمان @]

منقاش
ترى الوقت تاخر
اشرب لبنك ونام
وراك صلاة فجر

[أبو عبدالرحمن]

عفونا عنك ...عفا الله عنا وعنك..

لكن ولد عمك .الذي يشتغل في الهئية ...صدر قرار فصله ...ليتك تشوف له وظيفة أخرى...

وتتوسط هنا وهناك...خابرك راعي فزعات يا منقاش..

[منقاش]

أشكركم يبن سلمان وشكرك انت يبو عبدالرحمن على ردودكم
وهذا أن دل على شيء فأنما يدل على أهميتي أنا وياكم , والدليل أن أول من يتشرفون بالرد عليه مراقب المنتدى ومشرف المنتدى العام .
وتكفى يبو عبدالرحمن مثل ما كبرت براس مخاوي منفاش اللي ما يستاهل وقبلت شفاعته في منقاش , أبغيك تكرم وتقبل شفاعتي في رويعي الكلاب , حرام يبن عمي تطردونه وتعفون عني ولا تعفون عنه , وترى غلطته كانت طياشة رعيان غنم وزلت , والرجال أكيد أستوعب الدرس وان شاء الله ما عاد يعيدها .
وان كان تبي تطرد مخاوي منقاش وترد بداله رويعي تكون أحسن واحسنين ..

[المبرِّد]

انا فقدك يا ابو نقشه.لا تحوشنا يا وحش الوحوش

[متكحل بكتشب]

يامبرد انت تتحكك من اي احد
بس تبغا احد يعطيك وجه
خلاص انبسط ياعم انا برد عليك واقولك
روح شوفلك ثلاجه وتكي فيها احسن لك

[مشاكس]

يا منقاش
ماردك الا رزق الضعوف
كبك من القراده والمراده
عود لرفاقتك وسد حقوق ربي عليك
واموال الضعفه لا تاكلها والله لاقعد لك في كل مقعد لين ترد الحقوق لاهلها