اقرب شـــــــــــاعر

[سلطان الثبيتي]

اقرب شـــــــــــاعر اقرب شـــــــــــاعر اقرب شـــــــــــاعر اقرب شـــــــــــاعر اقرب شـــــــــــاعر

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياسلام الله سلامن يعم الحاضرين=يارجالن تسبق افعالها لاقوالها
بعد غيبه جيت يالله عساكم سالمين=والعلوم الطيبه ماقصرت احبالها[/POEM]

[ذملوق]

ماشاء الله سلطان ثلاثه ضد واحد
بالتوفيق ومستنين شاعر يرد

[ذملوق]

وين الشعار الليل والله انت يا سلطان الشعار ما يقدرون يقاومونك
انت عن ثلاثه شعار ماشاء الله عليك

[أبو علي]

مرحبا يا سلطان حياك الله ، يا عسى وش معك الليلة ومن تبى ، يا ولدي يا سلطان الاجواء تراها مليئة بالشحنات الكهربائية والبروق والرعود تسمع لجيجها والساتر الله ، ما ودك تروح الليلة يم احد قصور الطائف وتسمع الشعار وتسهر وتهجد .

تراني امازحك يا بن اخي .............................

[سلطان الثبيتي]

الله يبقيك يابن عزاب وانا ماجيت الا لغرض اني اسلم مالي مقاصد ثانيه واذا ماجاني احد ياكثر المنتديات والشعار وبالنسبه للبروق اللي ذكرتها هذي طول السنه لكن بدون مطر

[أبو عبدالرحمن]

حياك الله شاعرنا سلطان

وسعدنا بطلتك الجميلة...وصح لسانك على البدعة

ننتظر أقرب شاعر..

[صقر قريش]

ما فيك حيله لك الرايات ترفع ياسلطان

[أبو علي]

يا سلطان يا ولدي طرحني النوم ما رديت عليك ، والكبر شين والله المستعان ، والمثل يقول يا غازي ليتك ما غزيت ، وانا اعلق واقول بعض المغازي تعود على روس اهلها واليا شفت الرجال ومسراحه تقول ما يبي يقعد قدامه ولا غازي واليا شفت النتائج والياها ما تسمن ولا تغني من جوع , وياكبراسمها وياصغر زولها ،
وحق لي ولي يا بن اخي نقول ليتك يا غازي ما غزيت .

اكرر ترحيبي بك يا سلطان ما جيت الا بين خوالاك وماانت منكور ، والعرب مشغوله اللي مع حلاله ورعيته ما جاء الا متأخر وتعرف الراعي اليا ضوى يبي يرقد ، والبعض ما في خاطرة سعه مثلي كان يرمي حباله في اعماق البحر لكن لقي بحره على الخريطة ما شي بحر .

وسلامتك يا سلطان .........................

[زملوق]

المشاركة الأصلية كتبت بواسطة سلطان الثبيتي

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياسلام الله سلامن يعم الحاضرين=يارجالن تسبق افعالها لاقوالها
بعد غيبه جيت يالله عساكم سالمين=والعلوم الطيبه ماقصرت احبالها[/POEM]

حزني ذملوق سميي وهو ما غير يصايح ولا احد معطيه وجه
ابشر بسعدك
[POEM="font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا هلا يامرحبا بالرجال المقبلين = من رجال -ن- ما اختلف فالبلد منزالها
جيت يا غايب عسى جبت لك علم ن سمين= كل هرجه في ضميرك يجيك بدالها [/POEM]

[ذملوق]

المشاركة الأصلية كتبت بواسطة زملوق

حزني ذملوق سميي وهو ما غير يصايح ولا احد معطيه وجه
ابشر بسعدك
[poem="font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا هلا يامرحبا بالرجال المقبلين = من رجال -ن- ما اختلف فالبلد منزالها
جيت يا غايب عسى جبت لك علم ن سمين= كل هرجه في ضميرك يجيك بدالها [/poem]

ماشاء الله ياسميي رد وافي وكايف بعد الله يوفقك وترى عميلك الله عليه شاعر مليان