الـتـعــاجـــيــــب

[النجم الطاير]

الـتـعــاجـــيــــب الـتـعــاجـــيــــب الـتـعــاجـــيــــب الـتـعــاجـــيــــب الـتـعــاجـــيــــب

حليلـك حليلـك يا علـوم التعـاجـيـب * حليلـك حليلـك يا الرمايـا العجيـبـه
من الـرامي الي محتجيلـه في سرديـب * يغـط الزنـاد ولا يحـق الضـريـبـه
وبعض الرمايـا ترمي الصيـد وتصيـب * وبعض الرمايـا زاحـفـه ما تجيـبـه
وبعض الرمايـا جات صعقـه ورا ذيـب * وهـو ذيـب ما كل الرمايـا تصيـبـه
ترى الذيـب ذيـب وسالم من العذاريـب * وكل الرمايـا في اتجـاهـه صعيـبـه
وش العلـم يا الطيّـب تهـز المشاعيـب * تلـم الحطـب ودك تشـب الشبـيـبـه
تمثّـل وغـن وجيـب كـل الأسالـيـب * وعبّـر عن الشـي الـذي تـدعيـبـه
ليـا كانـت الأنسـاب تمشـي بترتيـب * ديرنـا تراهـا من ديـركـم قريـبـه
ولن كانـت الأنسـاب تمشـي هذاريـب * تِدنَّـوا رحلكـم ما عليكـم غصيـبـه
ثمالـه تـرى مثـل النجـوم المشاهيـب * ومن لا يفكـر زيـن يلقـى نصيـبـه
ثمالـه كثيـريـن الهــلا والتراحيـب * بيـوت الشهامـه والعلـوم العريـبـه
ويـا ليـت من فضلـك تكلّـم بتأديـب * ولا تلحـق الحـي المقـفـي بغيـبـه
قريش أهل وزعه وأهل فزعه وأهل طيب * لكـن أنت جاهـل والجهالـه مصيبـه

[أبو عبدالرحمن]

بيض الله وجهك يا النجم الطاير

وصح لسانك..والنعم بك وبقريش ...

سعدنا بتواجدك معنا

حللت أهلا..ونزلت سهلا

[سنا الهجرة]

صح لسانك يا النجم الطاير .. قصيده معبره وجميله

والنعم فيك وفي قريش .. والجاهل ما ينشره عليه

وان أخطى له عقال يعقلونه

[ورد الهدى]

هلا بك نجم

[محمد بن حميدان]

صح لسانك .. كفو على القصيده الجزله ,,

[عضو منقرض]

صح لسناكــ


واللي مو قد البحور يخليها

[بن داخل]

وبعض الرمايـا جات صعقـه ورا ذيـب * وهـو ذيـب ما كل الرمايـا تصيـبـه


يقلون فجع الذيب ولا قتله

أبيات درر أيه النجم المتقد

حييت يا صاحب الكلمة العذبة

[مجنونها]

صح لسانك ودام للمنتديات عطاءك
والنعم بك و بقريش

[الذيب]

لا تعليق

فجع الذيب ولا قتله حكم يا بن داخل

صح لسانك يالنجم الطاير

اظن فيه دعوى في الكلام اللي قلته

لأن حروف السجع في العجز والصدر

عليها مفردات كثييييييييييييره

يعني(تأديب _ وغيبه ) متعمده في النص

عموماً صح بدنك

[سنا الهجرة]

المشاركة الأصلية كتبت بواسطة الذيب

لا تعليق

فجع الذيب ولا قتله حكم يا بن داخل

صح لسانك يالنجم الطاير

اظن فيه دعوى في الكلام اللي قلته

لأن حروف السجع في العجز والصدر

عليها مفردات كثييييييييييييره

يعني(تأديب _ وغيبه ) متعمده في النص

عموماً صح بدنك

واضح ان النجم الطائر ضايق صدره من شخص معين..

ويـا ليـت من فضلـك تكلّـم بتأديـب * ولا تلحـق الحـي المقـفـي بغيـبـه
قريش أهل وزعه وأهل فزعه وأهل طيب * لكـن أنت جاهـل والجهالـه مصيبـه

لكن طالما كلامه بحدود الشعر .. هذا بينه وبين خصمه .. لو كان موجود بيننا له حق الرد سواءً شعراً أو نثراً

وان كان ماهو موجود .. النجم وحده من يدو عليه