انظر لها داخل المضمار بعيونك

[صقر الحجاز]

انظر لها داخل المضمار بعيونك انظر لها داخل المضمار بعيونك انظر لها داخل المضمار بعيونك انظر لها داخل المضمار بعيونك انظر لها داخل المضمار بعيونك

سر يا قلم وحسب حسابك ومخزونك

اليوم يومك ولا لـك منهـا صـده

بمليك ما هاضني لأهل الهوى كونـك

وسيلتي لا بـدت هجمـات مرتـده

بنات فكري تجيك بحـس مضنونـك

تسقيك حبـرك زلالٍ صافـيٍ عـده

يا هاجسي دام تسمعهـم ينادونـك

جاوب على صوتهم لا تنقلب ضـده

هذي مهمه وكـان الله فـي عونـك

كفوٍ لها والخباير فيـك مـن مـده

يا قلبي اللي تمادت حربـة طعونـك

ابشر لنـزفك بمـا يردعـه ويحـده

صهيل خيل القوافـي عانهـا دونـك

والواجب اللي عليهـا لازم تسـده

انظر لها داخـل المضمـار بعيونـك

واستمتع بركضهـا وتولـي الشـده

اهل الهوى بعضهم ماهـم يحبونـك

تعدادهم لغز ما نقوى علـى سـرده

يكفيك ياقلب منهم اسـم مجنونـك

الصاحب الوافي المصيـون فـي وده

بالصدق تلقاه طول الوقت ويصونك

ما ينكسر في مواثيقه علـى عهـده

في القيض تلقاه ظلك حارسٍ لونـك

والحاف ذاري الشمال المعتصر بـرده

يحميك من كيد ناسٍ ترتضي هونـك

يغير دونك وسيف العـز فـي يـده

هذاك في ذمتـي لا يمكـن يخونـك

وش لون بعد العطى من اجلك وجهده

لكن يا قلب لا تنسـى فينسونـك

جميل صاحبك فيك الريـع فـي رده

يا صاحبي قلبي المشحـون مديونـك

والحب جوفه وانـا والله مـا هـده

[حسن عابد]

بيض الله وجهك

[السَّمْهريّ]

سلمت لنا ذائقتك

[صقر الحجاز]

شكرا لكم
الظاهر انتم اخوان

[سنا الهجرة]

المشاركة الأصلية كتبت بواسطة صقر الحجاز

شكرا لكم
الظاهر انتم اخوان

كلنا اخوان يا صقر الحجاز

[سنا الهجرة]

صح لسانك يا صقر الحجاز

جزله ومن راس جزل

صحيت ودمت

[مايميزني لقب]

صح لسانك
صقر الحجاز