(بعد السلام من العايدين) للتواصل.. !!!

[فـارس الحـرف]

ياسلام لازلت استمتع بروعة النقض والفتل اشعر بمحاورة الكبار مع هؤلا العمالقه

[@ بن سلمان @]

أبا عادل
لي عندك ذاهبة صبحتك ولا أمست عندي

[ابو عادل]

الشاعر بدر
شكراً مليون على الحضور المستمر الذي يزيدنا شرفاً
وفخراً فوجود أمثالك يعني الكثير وتسلم على تشجيعك
ودعمك المتواصل . لاهنت.

[ابو عادل]

بن سلمان
عطني وسمها واجيك بعلمها
مايضيع عندنا شي طال عمرك.

[ابو عادل]

[poem="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الراس لويثبت على حلّه بليّا منكبين=ماشفت بعض الروس مع صفق الهبايب تختبي
خلك تركّد ياحنين ان كنت ماتعرف طنين=والكورة الليلة على ملعبك ماهو ملعبي
[/poem]

[@ بن سلمان @]

المشاركة الأصلية كتبت بواسطة ابو عادل

بن سلمان

عطني وسمها واجيك بعلمها

مايضيع عندنا شي طال عمرك.

انا في الرياض ولو ني في الطائف لقيتني على بابك ووسمها سكين ومسن
511 لعتيبة

[{بعيدالنظر}]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اللي ليا حده خطر يزبن على الضلع الزبين=سمعتها من عهد جدانك وجداني وأبي
تضحك ودلوْك يالثمالي يمتلي مويه وطين=والغمز واللمز إستوى في عيون أهل سود العبي
[/POEM]

[{بعيدالنظر}]

أستاذنا الكبير : بدر العجمي .
أشكرك يابو سعد من القلب على متابعتك وحسن ظنك ومانحن إلا تلاميذ في مدرسة الكبار امثالك
أشكرك كما يليق بك يالأمير
لاخلا ولاعدم

[{بعيدالنظر}]

إبن سلمان : لاعدمتك حضورك أسعدنا أول وتالي
لكن معي فيك وآنت تستغل المحاوره وتسأل عن الذواهب .
إلزم الصف وخلك من الهروج والبربره .
يمديك على النشد ولاتطرح اذمار هنا
عساني ما أعدمك والله إني أحبك محبه لايعلم بها الا الله هذا وأنا ماشفتك .

تقديري لك ولاتزعل هذي نصيحه فقط هههههه

[ابو عادل]

بن سلمان
لياوصلت الطائف تبشر بالعلوم الغانمة
ولاتروح غير ونفسك راضية مير لاتنسى.