في سما الاوصاف حام

[كايد بن ثابت]

في سما الاوصاف حام في سما الاوصاف حام في سما الاوصاف حام في سما الاوصاف حام في سما الاوصاف حام

[poem="type=0 font="bold medium 'Times New Roman', Times, serif""]آتسائل بالفكر واخفي عبارات الكلام = واحرك احساس المشاعر يم ذاك الاجودي[/poem][poem="type=0 font="bold medium 'Times New Roman', Times, serif""]
ياعل قلبه صوب قلبي يفطن لرد السلام = السلام اللي من احساس المشاعر مبتدي
ما هو بنصية مسج واسلاك سماعة وكام = والا مجرد كلمتين تذوب مع شمس الغدي
ملك العواطف له ملوك وله سياسات ونظام = ودستور فيه احكام ضد اللي عليها معتدي
العاشق اللي لا نظر للحب وشجون الغرام = مثل من ينظر بعينه للثريا والجدي
يعرف دروبه لا سرى بالليل في داجي ظلام = بالنجوم العالية ياسامعيني يقتدي
وانا عيوني شافت اللي في سما الاوصاف حام = واسع افكار العرب من دون وصفة تنحدي
لو اوصفة بانسان عادي ارتكبت اكبر حرام = استغفر الله ما بغيت بمثل هذي ابتدي
ام العيون اللي هدبها ماثل لسعود الغمام = لا لاح براقه وسيلة سال من عقب بردي
صغيرة(ن) في سنها ما كملت عشرين عام = نحيلة(ن) في خصرها والشعر ليل سرمدي
من خدها مجنى الورود ومن صوابعها خزام = ومن شفاياها شهد منها واليها ينهدي
جبينها ما كنه الا بدر في ليلة التمام = والصدر يحضى بالنبوت اللي براضيه تعدي
فديتها يا رمشها وافدى بعد ذاك اللثام = ما كنه الا ليلة(ن) وهلالها جا مبتدي
من حبها حبيت ابوها وكل اهلها والعمام = احبهم واحب منهو حبهم لجل بعدي
هذي هجوس العاشق اللي ما تهنى بالمنام = ولا حصله قرب خله يالزمان الجرهدي
ولو التمني يوصل الانسان لبلوغ المرام = كنت اتمنى لو يديها لامست راحة يدي[/poem]