بطل التطبيع /الحلقه الخامسه.

[منقاش]

نستكمل باقي غزوة المداس والكنتره
كما قلت لكم يوم جاء الفقيه لزرايب البقر ما لقي في الحوش منها ولا كرفوس (ولا واحده) , ولا لقي ألا فرده من مدس رويعي الكلاب أشهد عليها جيرانه .
أثنين من عياله الكبار ثارت ثايرتهم كما الثيران يبون يغزون الرويعي ويشربون من دمه لكن الفقيه قال يا عيالي وسعوا خطركم , ولا فيه حق يضيع ووراه طلاب , والشيطان حريص أنه يورطنا وتروح بدال روحة البقر تروح أنفس ونضيع الدنيا والآخره .
خلونا نشكي ما جرى علينا على الشيخ منقاش , والرويعي فيه شك وضنه كبيره لكن يمكن أن الرجال بري , ومن يدري لا يكون المداس لغيره لأن المدس الماخوذه تشابه , لكن أن شفنا مداسه ماهي عليه فالشك رايح يزيد .
بعدها بيوم راحوا عيال الفقيه يم الرويعي ولقيوا عنده أبو أمجد ضيف ,, وكانت روحتهم بدون علم أبوهم , ويوم شافوا المداس ما هي في رجل الرويعي وهم يسدحونه بدون سابق أنذار ويعطونه قايمه ونايمه حتى فقد وعيه .
وجاء أبو أمجد يبي يفرع ويكتفونه ويحلقون لحيته وشنبه ويكتون على راسه رماده ويطردونه .