حلم الشقا

[لبشة]

[POEM="font="Simplified Arabic,5,black,bold,normal" bkcolor="coral" bkimage="images/backgrounds/30.gif" border="double,10,burlywood" type=2 line=0 align=center use=ex num="0,black""]ياللي تعيش بماضي الوقت وشفيك=عايش على حلم الشقا والزوالي

ترسم معاناة الهوى بحلم ماضيك=وتعيش بالواقع بصورة خيالي

نظرتك للعالم بحزن يباريك=اجبرت فيها الروح حمل الجبالي

هون على نفسك وخفف مساعيك=من ناشد المقفين دربه ظلالي

واللي رفع سبع السما بعلم هاديك=رب الجلال اللي على الكون والي

مرسي الجبال وغافر الذنب معطيك=من رحمته في يوم عرض السؤالي

ماينفعك ذكره ولاهو بمداويك=وشلون به رجوى امل للمحالي

وافهم ترى دنياك كاس تواريك=ماكل ما بالكاس صافي وحالي

ماتاقف الدنيا بخيبة امل فيك=وحلو الامل نلقاه لو بعد مالي [/POEM]


صح لسانك يافارس الكلمة
قصيدة عذبة وبداية مشجعة
أعجبتني القصيدة فأعدت تنسيقها
الى الأمام وننتظر جديدك.
ملاحظة/ ماينفعك ذكره ولاهو بمداويك
الباء زائدة أدت الى الثقل.