كف الاحزان

[فارس الكلمة]

كف الاحزان كف الاحزان كف الاحزان كف الاحزان كف الاحزان

[POEM="font="Simplified Arabic,5,black,normal,normal" bkcolor="transparent" bkimage="images/backgrounds/39.gif" border="groove,4,gray" type=2 line=0 align=center use=ex num="0,black""]ضاعت عناويني على كف الاحزان=دان الحزن مني وانا منه داني
عمري مضى بالحزن واقع وعنوان=لاشافته عيني لقيته طواني
الحزن اتعبته وانا فيه تعبان=مكتوب له فيني وانا فيه اعاني
كني سفينه تايهه وسط طوفان=ربانها ضايع يدور مواني
الحزن ياسادة اذا زار انسان=ااسر ومستعمر وذله هواني
كله سبايب بعد مكحول الاعيان=اللي حرق قلبي وبعده شواني
راعي العيون الناعسة ام الاوطان=اللي بها شيدت قصر الاماني
اللي على فرقاه انا عشت حرمان=كني سجين الدهر والدهر جاني
ماراح متعني ولاهو بغلطان=حكم الزمن يفرض وفرضه كواني
في كل ليله اذكره اذكر اشجان=صوته ورسمه والحكي والاغاني
الله واكبر لاضحك ضحكت اوجان=وتبان غمزة وجنته بالوجاني
واليا مشى في مشيته عز سلطان=هيبة ملك والوصف سيد زماني
واليا جلس كنه وقف جذعه البان=من طول جذعه واقف بالمكاني
واليا تكلم كلمته وزن ميزان=اسكت وامتع خاطري بالمعاني
ماخذ جمال الكون والوجه بستان=يجهرك نوره من شعاع(ن) يباني
اذكره لاسلهم في عيني بتحنان=احيا واموت بنظرته في ثواني
العشق ماهو عيب والحب ياخوان=ان ماسكن جوف الفتى صار اناني
واللي يناظر كل عاشق بحقران=قلبه حديد وعلته شي ثاني
الحب عذري والمحبه لها شان=ان كان صاحبها نظيف العواني
لاواهني اللي على الوصل طربان=يضحك وروحه دانيه للغواني[/POEM]