عائدة من الموت

[سنا الهجرة]

أما أنا قبل ساعة تقريباً من كتابة هذا الرد

رحت أجيب علاج لاهلي من الصيدليه .. وقفت سيارتي وقطعت شارع رئيسي لان الصيدليه كانت في الجهه المقابله

أخذت الدواء وجيت راجع إتظرت حتى عدت السيارات كلها وجيت قاطع الشارع بروح لسيارتي .. ويا غافل لك الله

ويوم اني انتصفت الشارع الا وذاك الشباب في كابرس ماشي بسرعة جنونيه وانواره مطفيه ما شفته الله يهدي سائقه المتهور المهم اني سمعت صوت سرعة السيارة قبل ما اناظر فيها
ويوم اني ناظرت والله لا يوريكم خلاص مابيني وبينه الا مسافه قصيره جداً

تصدقون اني حطيت رجلي بكل ما عطاني الله من قوه ويادوب وصلت للرصيف .. وفي لحظة وهو من جنبي وتخيل لي انه راح يخبط في (عراقيبي)واحد يترجمها...

سبحان الله والحمد لله الذي لطف بي والا لكانت النهايه

في هذي اللحظه فعلا استعدت شريط الماضي وادركت اني لم أستعد لساعة المغادرة

والله المستعان ياكبر تقصيرنا وظلمنا لانفسنا







الله يجزاكي خير مناهل على نقلك لمثل هذي المواضيع اللتي تذكرنا بتقصيرنا