غراب البين

[شبلي أبو الونات]

المشاركة الأصلية كتبت بواسطة مخاوي منقاش

شبلي/ بس لو سلمنا من اللئيم كان اقول خوش منافق وعلومك علوم سواق تكسي بين بيشه ونجران ومعه ثلاث باكستانين توهم جايين من بنقلادش000

الله من الصاحب البوهة
من قريت ردك والخاطر ضايق ومير ألاطم ذبان وجهي
كيف الكلام هاذ وأنا الشيخ شبلي والعرب كلياتها تدري بي من القصيم لين سوريا ولاردن قلت أمد يم الحلال أوسع خاطري وأشرب من حليب الخلفات وأكسر خثرة معي من يومين ومع هوجاسي وأنا تطري لي هالأبيات هي قولي اني كذوب وسارقها قسم بالله إني كاتبها بيدي حتى اسألوا سوداني عندي حاطه عند الحلال وبعدين أنا شيخ ما ني كذوب ولا سراق :


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا الخوي اللي ليا طحت شالك = لا ضامتك دنياك والوقت بك مال
أنا يمينك شدني في شمالك = يمنى بلا يسرى ترى حالها حال
أنا عزاك وعزوتك لا جرى لك = من تاعس الدنيا هواجيس واهوال
ماني من اللي لا أغتنى ماوفالك = لو لك عليه من الجمايل والأفضال
وماني خويك كان وقتك صفالك = أنا أخوك لا أدبرت فيك الأحوال
خذني عصا موسى اذا كنت هالك = أعبر بك بحور القهر قول وأفعال [/POEM]