من وين طلعت علي يامنقاش

[منقاش]

يالله صباح خير , أصبحنا واصبح الملك لله .
في البدايه أصبح على الجميع بالخير, واهنيكم بالعام الجديد اللي أظنه قرب يدخل أن كان ما دخل , وبعدها أقول , والله شغله ومشغله , يعني الى متى نقعد نضيع كل يوم في دقيقه والا دقيقتين من وقتنا الثمين ونرد فيها على اللي ما يستاهلون مثل المخاوي وأذنابه ؟ , وبعد :
حليفي الدكتور مشعان
السلام عليكم ورحمة الله وبركاته , والله يمسيك بالخير , وبعد :
يا رفيقي تمنيت أنك تستر على المخاوي ولا تجيب ذكر لحالته المرضيه وتعرض صورته في وسايل الأعلام , ما هو حشمه له ,, لا ومية والف لا ,, بس حشمه لأسمي اللي أقترن بأسمه .
الزبده أتركنا منه ومن ذكره , وخلنا كبار كما عادتنا من يوم نحنا ورعان صغار .
أما الشاعر الكبير سنا الهجره فهو حليف لنا , وعلى العهد ما غير ولا بدل نسأل الله له الثبات , ولا يغرك الكلمتين اللي رفع بها معنويات ولد أخته الشيهان وكانت مدح بمعنى الذم , وكانت مبطنه بشي من النصيحه للشيهان للبعد عن مزالق الردى وترك المخاوي للهاوي والذيب العاوي .
أما الشيهان نفسه فهو مثل الذره اللي أذا جنحت طارت ثم هوت في الصاخي والرماده , نسأل الله حسن الخاتمه , والمقصود هنه بالرماده المخاوي ما غيره أحد ....