من شان غزه جيناك في هالحزه .

[منقاش]

زيد الخير : مشكور يا زيد على الأطلاع والتعليق .
الشاعر الكبير سنا الهجره : ووجهك أبيض ولا عليك زود , وانا أدري أن الموضوع ما فيه شي الا الثعبان اللي خوف الأعضاء وسبب الهيلمه كلها , وتصور يا رفيقي هالمصيبه اللي دخلت في سروالي لو دخلت عماره من عماير أهل زمانك مثل عمارة المملكه اللي عندكم في الرياض , تصور الصجه والعجه وكبر الضجه اللي رايح يسببها , وتصور رجال الدفاع المدني والشرط والمرط اللي رايحين يزحمون المكان كله حتى يخرجون منه الثعبان.
الدكتور الكبير مشعان : وربي يحفظك يا دكتور , ولو ألأمر بيدي حطيتك قاضي المنتدى تقضي في الخلافات اللي تحدث فيه مع تحفظي على لقب القاضي لأنه من ألقابي .
وبعدين خلي بالك يا دكتور , ترى كثير من اللي أنكتب وهيج ألأخوان ما كتبه الا ابو عبدالرحمن وزوره عليه يبغي يسود سمعتي وينتقم من فوزي عليه وعلى غيره في مسابقة الصور وبعدها فضيحتي له في تزويره لصور كدتي .
الشيهان : الله يكفيك شر نفسك وشر المخاوي اللي أشوفك تمشي وراه , أما شكل الثعبان فهو من الثعابين اللي تحرس غلال ألأولين , راسه يا رفيقي أقرع ولسانه شبر وشكله راسه مثل روس الجنب من الجفار , وقرونه قد تكسرت من جور الزمان عليه ولا بقي منها الا عراجيم كبر راس ألأبهام , وأقرب ما اشبهه لك بالشجاع ألأقرع اللي وصفك به المخاوي في مداخله قبل يومين .