مشكله أستعصت على الحل .

[منقاش]

مشكله أستعصت على الحل . مشكله أستعصت على الحل . مشكله أستعصت على الحل . مشكله أستعصت على الحل . مشكله أستعصت على الحل .

تعرفون أن أبو نقشه لا زال كما كان من أكبر حلالين العقد , واللي ما يصدق يروح لهالرابط (http://www.thomala.com/vb/showthread.php?t=9387 ) ويعرف أني راعي أقوال أتبعها بألأفاعيل , ويعرف أن السبع النجوم والأوسمه والنياشين اللي تحت أسمي ما جات من فراغ بالرغم من العداء المستحكم بيني وبين المشرفين وأولهم ابو عبدالرحمن عسى ربي يهديه اللي يوم عجز لا يفوز عليه في المنافسه الشريفه عود يزور صوري (مثل صورة كدتي) وينسبها لنفسه , ومع ما حصل نقول ما عليش , النفس أمارة بالسوء , والله يتوب علينا وعليه .
وقبل أبتدي في موضوعنا خلوني أوجه كلمتين لمخاوي منقاش الزفت , واقول يالمخاوي , يا حرامي تنك زيت الزيتون , يا جبان يبو فضايح أكبر من فضايح كلنتن في أواخر أيام ولايته , يابو ويابو , الخ , ما أقدر أعد فضايحك من كثرها , وياللي ما أنا قايل أذا ما تقدر تهدي ولا أنت كفو لا تسرق , وأذا كان ولا بد , كثر واهدي شي صاحي على ألأقل .
نعود لموضوعنا ألأصلي اللي محيرني ولا أعرف من وين أبتدي فيه ؟, والموضوع هو الخلاف اللي ناشب بين أثنين من حلفايه المقربين , بين حليفي العظيم عميد الدكاتره الدكتور مشعان , وحليفي راعي التبحثات الغني عن التعريف الحاج سلام .
ألأثنين كلهم عينين في راس , وأن كانت عين الدكتور سبعه على سته وعين الحاج خمسه على سته بسبب بعض ملايناته مع المخاوي اللي سجلت عليه , وهذي النتيجه مبنيه في ألأساس على الولاء والسيره الذاتيه , لكنهم كلهم يبقون عينين في راس , والعين اللي ناقص نظرها أذا ما زادت أنحولت بسبب المخاوي يمكن يسوي لها الدكتور عمليه حتى تعود سته على سته .
طبعا , هذا لا يعني أن حلفايه قليلين والا شرهم قليل , لا والف لا , حلفايه عددهم أكثر من حبات الرز اللي نفخ بطون السعوديين وسبب لهم السمنه والسكر والضغط والتخلف الذهني , ويكفيكم عن ذكر بقية حلفايه أذا ذكرتكم بواحد منهم في هالمنتدى , بواحد شيخ ابن شيخ ومن مرسى شيخه , وشاعر عظيم شهرته شقت ألآفاق , وهو الشاعر الكبير الداهيه البليه المصيبه سنا الهجره , اللي أذا بدا على الشعار ذكرني مبداه بمبدى سرحان على رعيه رقد عنها راعيها .
خلاف الدكتور مشعان مع الحاج سلام قديم ومتشربك على كرعانهم (رجليهم) من أسفل , بمعني , أذا تبون تحلون خلافهم لا تروحون لروسهم ولا لقلوبهم , روحو لرجلينهم , لأن الأثنين من ناحية روسهم فيها عقلين ترجح بكل العقول ألا عقل منقاش , ومن ناحية قلوبهم عندهم قلبين تحب بعضها , ولا يغركم مناوشاتهم ترونهم ينطبق عليها المثل المكاوي اللي يقول أذا شفته يسبه أعرف أنه يحبه .
لكن من اللي يقدر يقترب من رجليهم وهو ما جاه رفسه تطير واحده من عيونه وتدمر جفونه؟, ونعود وقتها في منعاه وفي صياح ونياح , ويا عيوني عيوني ويا جفوني جفوني ,, من يقدر يفك لنا الشرابك اللي على رجليهم حتى يمشون معنا صح ؟ , ألأثنين فرسي رهان أذا تفككت العقد والحبال اللي متلويه على كرعانهم , ولو ماهم حلفايه كان زدت عقدهم عقدا على عقد وشربكتهم شربكه على شربكه , وقلت في نفسي أنعثروا لا قمتم .
من مظاهر الخلاف والأختلاف بين الدكتوروالحاج , لا حظوا معي كم هشيمه أرتكبها الشيخ سلام وكتب لنا عنها ؟ , طبعا كثيره , والله يجزاه بالخير ويكثر من أمثاله , لكن بالمقابل لاحظوا أن الدكتور جاب نبته واحده وهي العرجون هول بها الخلايق من شكلها الملفت للنظر , ورجحت بكل غرفان الشيخ سلام , وهذا المشهد أثار عندي حمى المنافسه معهم وجبت لهم اللي على خبركم به (حق الوادي) وضيعت به جهود ألأثنين مجتمعه حتى قال فيهم القايل ما كنك يا غازي قد غزيت ...
هذي هي المشكله , ونبغي منكم الحل يا حلالة المشاكل , والسلام عليكم ورحمة الله وبركاته , وكل عام وأنتم بخير بمناسبة قرب حلول عيد ألأضحى المبارك (أظن ألأشهر اللي بقيت عليه أقل من عدد أصابع اليد) ....