أعطوا لأبو نقشه رايكم ؟.

[منقاش]

وهالحين بعد أنرفع موضوع على موضوعي نجي ونرد على اللي بعد سنا الهجره في السرا وهو :
أخويه حامل المسك : مشكور يبن عمي على غيرتك على حرمات الله , وترى مشرفنا العام يلزمنا أول ننبهه بالخط الساخن , وأذا ما تجاوب نعطيه الساخن .
ومثل ما قلت لك وللأخوان , لو ماالله ثم كبر قلب ابو عبدالرحمن , ودماثة خلقه , وطيبة قلبه كان أمدي منتدانا أنتهى من أول ثلاثة أشهر , يعني الشهر ألأول مرض , والثاني أحتضار , والثالث سكته دماغيه .
وبعدين الرجل خادمنا وخادم القوم أميرهم , وألأمير لا بد نظهر له قولا لينا لعله يتذكر أو يخشى ... وكلمة حق , في ألألف واحد يستوعب التناقضات اللي بين ألأعضاء ويصبر على شطحاتهم والتواء نفسياتهم وتصرفاتهم , وفي ألألف واحد يتحمل المسئوليه الدنيويه وألأخرويه عن منتدى مثل هذا .
لأجل كذه لا بد نترفق بأبو عبدالرحمن ونكون أعوان له لا عليه , ونخلي الركب والمغل اللي نوجهها له في الخفاء , وتراني ذابحه ولا أضرب ألا تحت الحزام , وأحيان ينتقم مني شر أنتقام وياخذ بثاره , وهذي الدنيا تدافع , ويوما لك ويوما عليك .
كثر الله من أمثالك , وهدانا وأياك الى سواء السبيل , وشكرا .
ملاحظه : ترى ردك جاء زملطي بدون ألقابي , وانتبه ثاني مره , على ألأقل حط قبل منقاش الشيخ الشريف , وبعده , دام ظله , والا ترى بعدين أشيل منك المسك وأخلي لك الباقي ووقتها حلها أن كنت ابن عمي .....