رحلة د\مشعان وصحبة الى جازان (( ح 3))

[ابوسيفين]

المشاركة الأصلية كتبت بواسطة منقاش

أني بدر الدجى وعرعرة المنتدى اللي به يقتدى فخامة الشريف ابو نقشه .
تبارك الله , ما شاء الله , وانت وراك تسمي ولا تسلم علينا ؟, وبعد :
السلام عليكم ورحمة الله وبركاته , واسعد الله صباحك , وكل أوقاتك يا دكتورنا العزيز .
كلامك جميل يا حليفي وقصتك مشوقه لكن تحتاج لزياده في عنصر ألأثاره , لكني لاحظت في ما لاحظت أن بطن خويك اللي يظهر في الصوره فيه راس تيس جيزاني أجم ما أنهضم له يومين , وكان مسبب له نوع من الأزعاج والتوعكات , وأحيان يهذي في بطنه وتسيئون الظنون في خويكم , والذنب ماهو ذنبه , أنما ذنب التيس ابن التيس .
ولاحظت أن راس خويك اللي يظهر في الصوره متخمر فيه أفكار مش ولا بد , ويبدوا أنه يزود عليكم في ثمن الحاجات اللي يدعي أنه أمنها لكم , وليتكم تجلسون معه وتعيدون الحساب والفرقه وتقولون له ألعب غيرها .
ويبدو أن عينه طويله شويه أذا تلمى له بعض اللوامي , الله يهديه , وبلاشي فضايح , وبس .
وهذا الكلام طلعته من جهاز لفحص الكذب مشتريه أكشف به على مقالاتي اللي أكتبها لكم حتى أتأكد أن ما فيها ولا صدقه واحده , وامرره على كلام خويايه اللي في كنفيوتر ثماله .
وسعالي يبن عمي , الحصن هذا اللي صورتوه لا يكون محل تبرك وكهانه لأهل المنطقه ؟, لأني أشوف عليه زول مبني , وشجره مكانها ماهو طبيعي .
وملاحظ أن اللي بناه كان معلم من الدرجه العاشره , يعني ماهو محترف , وحتى توافق معي ناظر البنيان خصوصا ميول واستقامة ألأركان .
وسعالي ألأخير , ليش البيبان الخارجيه اللي في كل دور؟ لا بد أنكم سعلتم اللي حواليه , وشكرا يا عميد الدكاتره .

المشاركة الأصلية كتبت بواسطة منقاش

يا حليفي يا دكتور مشعان , أشوف الشيخ سلام الله يهديه يحاول يتصيد في الماء العكر ويدق ما بيني وبينك أسفين (تراني أسمع بالأسفين ولا أعرفه) .
لأجل كذه أنا أسحب كلامي اللي قلته في كرش خويك وراس خويك الثاني , واقول , أن واحد كرشه ما فيها ألا غازات , والثاني مسكين راسه فاضي ولا فيه شي . والكلام اللي سبق وسمعتوه مني كان مجرد بالون أختبار مسويه أنا والدكتور حتى نتعرف على الناس المغرضين اللي يحبون يحطون في الرز بصل ويسوون مشاكل في المنتدى ويزعجون ابو عبدالرحمن الرجل الطيب اللي لو يرتاح كم سنه ويخليني أخدمه في الشرافه كان أحسن له وللقبيله .
أقول ما قلت من كلام , وازيد أسحب كلامي في الحصن واقول أنه زين ويملا العين ولا فيه الا باب واحد , واللي يشوف فيه أبواب في أدواره العليا يسمي بالرحمن ويروح للفقيه (المفتي) المرافق للدكتور في الرحله حتى يقرا عليه ويخرج الجني اللي متلبس به بعد يجلده ويخنقه.
وأن كان تبي رايي يا عميد الدكاتره , شجرتك لا تعطيها أحد , وخل ابو عبدالرحمن يروح يدور عليها أن قدر يجدها ويجيب صورتها..

والله لوثبَتّْ على علمك الأوّل في موضوع(( الرّاس ))، وعلمك الثّاني في موضوع ((الغازات)) كان أقول إن معك قرين ، فصاحب ذلك الرأس هو وزير ماليّه الرحله وقد دارت حوله الشكوك بعد شرائه حزام وجنبيّه ووزره واكتشاف ذلك مصادفة من أحد أعضاء الرّحله 0
أمّا موضوع التّيس والغازات فاللي تشوفونه هو مقفّى الرّجّال وعاد أنت قدّر سبب النّفخ 0
وتراني أحب إنك دايم عند كلامك ولا عاد تسحبه ، واللي عاجبه ولاّ يبلط البحر 0 أمّا الشّجره فأنا وعدت الرّياجيل وأنا عند وعدي 0