شجرة العدن والعدين .

[منقاش]

لله دري يا شيخ سلام ودر الشعرا اللي يمدحوني .
والحقيقه أني رفعت يدي من الفطريات , ولا عاد تهمني الشجاري كبرت والا صغرت ألا ما يكفيني منها لضرمة حماري , والباقي نويت أخليه لصاحبكم رويعي الغنم ولكم يا أعضاء منتدى الحياه الفطريه تكتبون عنه والا تسون فيه اللي تبون .
وكل اللي دعاني حتى أشارك معكم بهالمشاركه هو نقل آخر المدايح اللي قالها فحول الشعرا في بدر الدجى وعرعرة المنتدى حتى تباركون بها وتقبل جماهيري على منتداكم عسى لا يفطس في غياب فخامة الشريف, وشكرا .....
.................................................. .................................................. ..........................................

اما اخي منقاش شيخ المشايخ
وعرعرة المنتدى وبدر الدجى
الشريف ابو نقشه
فأقول له



سر ياقلم واكتب على وزن اشي
ابيات شعر من قراها درى ليش

تمشي كما مشي السحاب الرهاشي
من عالية نجد المسمى ليا بيش

وتمر بالطايف وتلقى التماشي
بمتابعة بدر الدجى راغد العيش

من شان حلفي راسي اليوم شاشي
شاشت علومي كلها دون تفتيش

منقاش يا منقاش خل النقاشي
مادام حلفك مايبي زود تشويش

واطلب رضا ربك ترى الحق غاشي
ولاتعجبك يابدر كثر التباليش

انا ادري انك زحت كل الغباشي
وحنا معك ونجيك حلف مغابيش

واللي تقوله يالخوي نقول ماشي
علمهم انا بالملاقا مباليش

دون الحليف الروح تجلب بلاشي
اللي تقول يصير مانقول لك ليش

ماهمنا من قال قول غشاشي
وماهمنا قول الخصوم الدراويش

اكرمني الله بك وانا تو ناشي
انت وحلفك يالرجال المداغيش

وسلامتك ايها الحليف انت ومن حالفكم

محبك وحليفك النجم الساهر
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
وانت سالم وغانم يا حليفي النجم الساهر , وصح لسانك ورفع الله مقامك وكثر الله من أمثالك , وشكرا على هالمعلقه اللي أعدها ثامنة المعلقات ...