أناوين ؟؟؟

[ابوسيفين]

المشاركة الأصلية كتبت بواسطة ابو عادل

[poem="font="Simplified Arabic,5,black,bold,normal" bkcolor="transparent" bkimage="images/backgrounds/40.gif" border="double,10,sandybrown" type=2 line=0 align=center use=ex num="0,black""]
أنا وين ممن لان صمّ الصخر بيديه=بنى به صروح امجاد واشتدّ بنيانه
زرعها شهود تأيّد الفعل وتزكّيه=لو البطن فيه الجوع والكبد عطشانة
مشى والحجر مربوط فوق البطن يلهيه=ولامدّ شوف العين في زاد جيرانه
ومشى والقدم حافي ولافيه مايحميه=من القاع رمضاته وشوكه وديبانه
ولايلتقي من ضافي الثوب مايكسيه =ويضفي على الذرعان والجنب وامتانه
ولايعرف التخمة وفايض عنه يرميه=يمر الشهر ماشبّ للزاد نيرانه
تحمل شظف عيشه يقاسيه ويخاويه=ولايشتكي للناس زوده ونقصانه
أخذ منه وقته عدة اضعاف مايعطيه=ولن جاد وقته جاب له قيمة اكفانه
لكنّه عزيز النفس وطباعه تحلّيه=يجيب السلف تلو السلف لاجل ضيفانه
بشاشة وكلمة صدق والقلّ مايثنيه=شجيع تغصّ عداه بالريق من شانه
كريم الشمايل والمروّات منه وفيه=ولاقدّم الزلّة على طارف لسانه
يضحي بروحه حشمة اللي يجي ناخيه=يفادي بها في نصرة الحق واعوانه
مضى والجبال الشّمّ من حزنها تبكيه=ولوانها له تالي الوقت حضّانة
لكن الحزن خوف الخلف يختلف طاريه=ومشيه مرح طاغي والأقدام بطرانة
فلاخير فيمن ينكر اسلافه وماضيه=تلوّن بلونٍ غير ماضيه والوانه

[/poem]

صح لسانك يابو عادل ، فريده من فرائدك اللتي لاتُعد ، وقد حاولت إقتباس بيت أو بيتين ورأيت أن في ذلك ظُلم لباقي الابيات اللتي يشع كُلاّ منها تألقاً وروعه 0وذلك في توصيفٍ نادر وتسلسل للأفكار يسلب الألباب ويجعل القصيده قطعة سيمفونيّة تستحق الحفظ 0

لكن لي تساؤل ــ متذوق للشّعر وليس شاعر ــ هل للقصيده بقيّه ، لأنّي لم أرى مايوحي الى أنّها مدح في المُصطفى عليه أفضل الصلاة واتم التسليم ــ وفق ماذهب إليه بعض الإخوان ــ ، وأرى أن فيها تمجيد مُجيد ومُبدع لما كان عليه أسلافنا من عزة النفس وطيب المعدن رُغم شظف العيش 0

مُحب شعركم (( أبو سيفين ))