للبنت

[ابوعهد]

للبنت للبنت للبنت للبنت للبنت

اهديت همساتٍ على صفحة النتْ
مثل العسل لاسال طعم العذوبه

اهديتها من صادق إحساس للبنتْ
اللي بها قامت حضارة شعوبه

لملمت أوراقي وبالحبر دونتْ
من غيرةٍ فالصدر هدَت جنوبه

أبيات مثل الدر فيها تمعنتْ
ألفاظهاجزله وفيها خصوبه

للبنت مخصوصة وللبنت عنونتْ
هي فخرنا في سلمنا في حروبه

شفنا دسايسهم رخيصةْ وبينتْ
على الملا حاقد يروج كذوبه

يبغونها سلعة كما سلعة الكنتْ
مجرم ويغرز في شرفها نيوبه

شاف العفيفة بالمكارم تحنَتْ
وزين لها إبليس أكبر ذنوبه

مابينت من كفها لو ربع سنتْ
بنت العفاف العز تفخر بثوبه

بنت الشرف في شانها ماتهاونتْ
ماتلتفت للي رديه دروبه

والمعذرة إن كانني ماتمكنتْ
المجتهد لابد نستر عيوبه