الجوع جوع الوصل ...

[سيف العرب]

الجوع جوع الوصل ... الجوع جوع الوصل ... الجوع جوع الوصل ... الجوع جوع الوصل ... الجوع جوع الوصل ...

خذ راحتك عمري تـر الشـك مرفـوع
ماني مـن عتـاب المواليـف جـزاع

تـر الغلـط بيـن المحبيـن مرجـوع
حنـا بشـر نجـرح ونفـرح ونلتـاع

آمـر تدلـل لـو تماديـت مطـيـوع
ملزوم منهـو فـي حلايـاك ينطـاع

العب بقلبن يا غلـى الـروح مليـوع
به من تباريح الهـوى عشـرة انـواع

صوتك هو احساسي على الدوم مسموع
لو ما سمعه القلب تسمعـه الاضـلاع

وش لذة الدنيا بـلا ضحـك ودمـوع
وش قيمة الدنيـا بـلا وصـل ووداع

ولا دلـع خـلان واقفـاي ورجــوع
ولا غـزل بعيـون حلواتـن وسـاع

ولا حبيـب بيـوم يمسيـك مفجـوع
وقبل الفجر لمعانقـك يسـرع اسـراع

وليا دنى لك شبر تقـرب منـه بـوع
واليا غنـج ودك تشيلـه عـن القـاع

الخاسر اللي ما له اصحـاب وربـوع
والكاسب اللي لا طلـب شـي ينطـاع

والخاسر اللي ما تضوى لـه شمـوع
فجره ظلام وبسمتـه حـزن واوجـاع

جوع الاكل غلطان من صنفـه جـوع
الجوع جوع الوصل في قلـب ملتـاع

الحب لعمـوم البشـر حـق مشـروع
ولا به حلاة اليا وصل حـد الاشبـاع

الحب ماهو غصب لازم يجـي طـوع
ماهـو سـواة .... يشـرى وينبـاع

لا قال لك ملـزوم مـن حبـة الكـوع
شوري عليك انـك لاوآمـره تنصـاع