هواجـيــس و أفـكـــار . . .

[عوض بن سلمان]

هواجـيــس و أفـكـــار . . . هواجـيــس و أفـكـــار . . . هواجـيــس و أفـكـــار . . . هواجـيــس و أفـكـــار . . . هواجـيــس و أفـكـــار . . .

هاضت هواجيسـي ويطرينـي الشـوق

أفكـار تـذري مع نسـيـم الهبـايـب

ساعـه معي مُـرّه وساعـه معي ذوق

وش عاد أسوي بين مخطـي وصايـب

وساعـات أعازقها وساعـات معـزوق

وساعـات مثل النـاس نمشي حبايـب

ما عاد أبا حـوّل وما عـد أبا ســوق

الزرع شـاب وصاحـب الزرع شايـب

يقلـون لي هيـا نبـي ننـزل السـوق

إليـا نزلـت السـوق شفـت العجايـب

اليـد لـي مفتـاح والجيـب صنـدوق

والمصرفـه مثـل البـيـار النضايـب

والحب جوف الكيس والكيس مخـروق

يا بو شـرف وسعـت عليك الشعـايب

لكـن متـوكـل علـى ربنـا فــوق

راعي الكرم والجود منشـي السحايـب