رسالة الى زملوق

[النجم الساهر]

رسالة الى زملوق رسالة الى زملوق رسالة الى زملوق رسالة الى زملوق رسالة الى زملوق

[POEM="type=1 bkcolor=#330000 color=#FFFFFF font="bold medium 'Simplified Arabic', Arial, Helvetica, sans-serif""]يالله ياللي بعلم الافلاك داري=وعالم بسر الكون جيل بعد جيل

وامرك على كل المخاليق جاري=لاقلت كن يكون من دون تعليل
تسقي الديار المسنية والخباري=بنو تسوقه بالمناشي مخاييل
نجمي بدى بين النجوم السواري=يسري على مبداي من يسري الليل
دايم على رجم الشياطين ضاري=ذي حكمة المولى ومن غير تبديل
تهابني كل السباع الضواري=في صحبتي نجم الجدي وارقب سهيل
زينة على وجه السما بالغداري=كل يقول تزينت بالقناديل
في دبرة الخلاق لاجيت ساري=هو فوتي هو من عطى خطوتي حيل
والله لو لا الود بالدم جاري= وحب ورثته من قروم رياجيل
لسوقها من رغبتي واختياري=حرب على من طفف الوزن والكيل
بالمرهفات اللي تفوق الشباري=وبالعاديات من الاصايل من الخيل
من بعد صارت بين بايع وشاري=به ناس راس وناس والله مهابيل
وين انت ياللي عزوتي بالمساري=وليا ارتكيت القاه راسي وحلحيل
وش ابعدك ياصاحبي عن مساري=وانا معك دايم على العدل والميل
زملوق لاهبت علينا الذواري=نعم الخوي زملوق بالحط والشيل
بعودتك احس وقع انتصاري=وبشوفتك يحلى السمر بالمقابيل
اسوق للعقال جل اعتذاري=واشوم عن تباعة القال والقيل
هذي سمة فيني وهذا شعاري=مالي ومال اللي يدور تعاليل
عد الورق في وارفات الشجاري=وعد الثمر واللي جنى من محاصيل
وعداد ماهل المطر بالصحاري=وانبت وعاشت في كنفه المحاييل
على النبي المصطفى خير قاري=نزل عليه الوحي جبريل تنزيل
صلاة ربي خالق الكون باري=لطيف بعبادة وشرعه تساهيل[/POEM]