أستاذنكـ ..بساااافر ايام ,,,واجيك

[إشراقة أمل]

أستاذنكـ ..بساااافر ايام ,,,واجيك أستاذنكـ ..بساااافر ايام ,,,واجيك أستاذنكـ ..بساااافر ايام ,,,واجيك أستاذنكـ ..بساااافر ايام ,,,واجيك أستاذنكـ ..بساااافر ايام ,,,واجيك

أستأذنك بسافر أيام واجيك
وان طالت أيام السفر لا تحاتي


حتى لو طولت ماني مخليك
ياللي بدونك ويش تسوى حياتي


تأمر على حاجه بودعك واجيك
عسى عوض الأيام فـ ألمقبلاتي


حتى يدي ماودها تفارق يديك
ساكت وأنا اشوف البلا في سكاتي


ماشفتني لا رحت منك التفت فيك
بلاي والله روحتي والتفاتي


لكن قبل ما أروح ودي أوصيك
وأنت الوحيد اللي يقدر وصاتي


لا احد سالك وقال : وين مغليك
قل له: لوازم لا قضاها بياتي


وان طروا النسيان ماني بـ ((ناسيك))
يا رأس مالي فـ الحياة وغناتي


وان طروا السلوان ماني بساليك
طيفك معي حتى وانا في صلاتي


قلبي وهو قلبي إذا مر طاريك
لولا ضلوعي كان عزوا في مماتي


وانا وقلبي والغلا ساكنا فيك
وانته وقلبك والغلا وسط ذاتي


غلاك مثل الحكم عند المماليك
اكبر طموحي لا كل أمنياتي


شف في غيابي أي حاجه تسليك
لأني بعدك اسلى مع ذكرياتي


أحاول اذكر أي شيء يطريك
وأقول: هو سوى وانا ذي سواتي


كني موادع كل شيء حواليك
وكني حسبت حساب حزة وفاتي


أحب لأني مااقدر أنساك وأبيك
ولا اقدر أخليك يا اللي تحاتي


معنى أحب وما اقدر أنساك وأخليك
يعني بدونك ويش تسوى حياتي


تحيااااااااااااااتي

إشراقة أمـــل