الجدار الوثيقه

[عوض بن سلمان]

الجدار الوثيقه الجدار الوثيقه الجدار الوثيقه الجدار الوثيقه الجدار الوثيقه

أزعلـنـي التهديـد وأفرحنـي الخـبـر

وأفـرح من الـي يطلـعـون الحقيـقـه

من يـوم قالـوا يا جماعـه ميـة نـفـر

حسيـت منهـا جـاء في راسـي شقيقـه

يا ليـت وليا قلبـي أوسـع من البـحـر

حتـى إني أعـرف عـاد ويش الطريقـه

ما عمر واحـد عاش ما حـس بالخـطـر

ولا عمر واحـد عاش ما حـس ضيـقـه

ويا ليـت وليا راسـي أصلب من الحجـر

وأكمـلـه من عقـلـه الـي يطـيـقـه

وأمشي براحـة بـال وأبقـى على حـذر

وأمشـي على حـف الجـدار الوثيـقـه

بعض العـرب يهـرج ولا يـدرك البصـر

وليا نطـق بالصـدق يشـرق بريـقـه

وبعض العـرب لأبيض في راسـه الشعـر

يـدرا على أصحابـه وينسـى رفيـقـه

وليا عطيـتـه وجـه لقـانـي الظـهـر

يقـول أحـب الـي يشجـع فـريـقـه

يقـول أنـا ماشـي على بهـرة القـمـر

مـدري يشـوف الـدرب وإلا يعيـقـه

من عـادة الجربـا تلـوّى علـى الشجـر

تطـيـب وإلا جعلـهـا فـي حريـقـه

إليـا بنيـت البيـت يـذريـنـي المطـر

اليـد تكـتـب والمعـانـي عمـيـقـه