ربعي يا ربعي

[سنا الهجرة]

المشاركة الأصلية كتبت بواسطة منقاش

الله يبارك لك يبو عبدالله , ويجعلها مسكن السعاده وراحة البال , لك ولكل العيال, وبعد :

المشاركة الأصلية كتبت بواسطة منقاش

المعذره , دوبي أكتشف (والله) موضوعك , لكن هذا موضوع جاد ما يصلح فيه المزوح , وهذي علوم الجد خذها.
أستشير واستخير الله وصلي الركعتين , ولا تعجل , تركد , واسأل نفسك , ليش تبني في الوسطى وانت كل ما أخذت أجازه طرت يم الطايف ؟.
الرياض والوسطى ما تصلح ألا لواحد أحبها , أو عياله أحبوها , ودليل الحب , أن المحب يقضي بعض أو أغلب أجازته في الديار اللي أحبها .
لا تكابر , ترى غلطه موقع التعمير غلطه ما ترقع , والقضيه ماهي أمتلاك عماره والا بيت وبس ؟, القضيه مرتبطه بأمور كثيره ماهي خافيه عليك , لها علاقه بنفسيتك وسعادتك وقربك مع من تحب , أنت وعيالك.
واكون صريح معك , أذا قلت لك أن التوقع اللي عندي , وبنسبة 90% أن اللي مثلك ما يصلح له يبني ألا في مدينة الطايف .
أذا تأكدت 100% أنك أنت وعيالك تفضلون الوسطى على الطايف وجده , التصميم سهل , لأنه واضح لي أنك تبغي تجمع بين السكن والأستثمار .
وهذا يعتمد على المنطقه اللي أشتريت فيها(سكنيه والا تجاريه) , وعلى مساحة ألأرض , وعدد شوارعها , لكني أفضل أفكار الدبلكس لمثل اللي في توجهك , حتى يسير لكل سكن حوشه الخاص , أو على ألأقل يكون سكنك دبلكس بحوشه , والأستثمار شقق بحوشها .
وحتى أقول كل اللي أبغي أوصله لك , أرسل لي رقم تلقونك حتى أتصل عليك , أو أتصل على رقم هاتف بيتي ؟, وسلامتك .

حياك الله يا شيخنا يابو نقشه

بيض الله وجهك على هذي النصايح اللي يشعر بها القارئ من الوهلة الاولى بأنها من القلب

أنا راح ارسل لك رقمي على الخاص لاني ما اعرف رقم بيتك ولا جوالك


أما من نايحة طرح الموضوع هنا في الاستراحه هذا لاني ما ابي يكون الموضوع جدي لدرجة الملل
ومن ناحية اخرى .. الاستراحة زوارها واجد .. ماهي مثل باقي الاقسام واعتقد انها الانسب لمثل موضوعي هذا

وانا ادري ان فيه ناس عنده افكار حلوه حتى لو كانوا صغار سن .
وحبيت استنير بأي فكر نير

وعلمي وسلامتك