سؤال وجواب (مع المبرد )

[منقاش]

سلام يا مبرد , الله يبردك يا رفيقي بالعافيه انت والرفاقه والعواني كلهم.
يا رفيقي تراني مهضهض ووصله مني ما تركب على الثانيه ودوبي خارج من المشنشفى من بعد قتلة الصينيه الكلبه لي , لكن وش أسوي ؟,.
فرحت بفوزك وياالله سحبت نفسي سحب حتى جيتك أبغي أهنيك وانبهك للحفر اللي طحت فيها , الا السعالات ما عندي منها شي.
يبن عمي ,, ألاوله حذاري حذاري ,, انتبه لا تحتك بالصينيه ولا حتى بالزبديه .. ترى الصينيه حاقده على الاسلام والمسلمين , لا تاخذ ولا تعطي معها يكفي من ثماله رجال واحد يلقى اللي لقيته والفطين من يعتبر بغيره ...
الثانيه : أن شفت بنت عمنا اليهوديه مراسلة السي أن أن سلم لي عليها كثير السلام واعطها صورتي أنا وحماري ,, (عسى يا رفيقي تسلم على يدي واكسب أجرها),,, وقلها هذا منقاش اللي تخامشتي أنت وياه والرجال متعسف على القصور ويقول لك عندي لك سبق صحفي أوصلك له وبعدها ما عاد تلقين وقت من الشهره وطيب الذكر وتسيرين نجمه أعلاميه تلتم عليها وكالات الانباء والتلفزه والمراسلين والجواسيس زي يوم تليم الذبان والنمل على السكرالذايب ..
قلها منقاش يبي يوصلك الى عند بلادن في العويجاء في ديار بني ساعد وتجرين معه مقابله تسعلينه فيها عن كل شي , بس قل لها تنتبه ترى الثملان متوحشين اذا شافوا حرمه يا ساتر ,, أبغيها تلبس عبايه وملابس طويله وظافيه وجونتيات وشراريب وتركب على حماري وانا أقتاده واوديها واردها وان كان تبي تقيم عندي احسن ما عندي , حلتي عامره وثامره ما تكره الضيفان ولا تجفاهم حتى لو جلست باقي عمرها كله عندي ,, وتكفى لا يدري بن سلمان تراه ثرثار ,, وسلامتك يا رفيقي أنت والسامعين أجمعين.ا