الطــيــر طــارت

[عوض بن سلمان]

الطــيــر طــارت الطــيــر طــارت الطــيــر طــارت الطــيــر طــارت الطــيــر طــارت

الطيـر طـارت ما بقـي غيـر زغـلـول

وش شـرهـا تنـفـر وتـتـرك ولـدهـا

يا صابـر اصبـر والصبـر جالـه حلـول

زرعـت مطـر والـي زرعهـا حصـدهـا

الصـح صايـب والخطـأ غيـر مقـبـول

والـي يــدّور للحقـيـقــه يـجـدهـا

لا تستـمـع للهـرج مـع كـل مـرسـول

منتـه بـداري وش يـجـي من سـددهـا

واصبـر علـى قسـو الشدايـد بمعـقـول

حتـى الأمــور الـي تبـيـهـا تـردهـا

وإن جـاك فاسـق يمشـي بهـرج منقـول

تصـدق أقـوالــه وتـنــدم بـعـدهـا

اقـبـل نصيحـة واحـدٍ صـادق القــول

يعـرف قـدايمـهـا ويعـرف جــددهـا

ما لـك وما للعـرض والقصـر والطــول

عـد الليـالـي ليـن تحـصـي عــددهـا

أنشـدك وش هي بنـت في راس صلصـول

اللـه مـغــلا سـعـرهـا فـي بلـدهـا

إن كـان ماتـت راس صلصـول مشلـول

وإن كـان تبـقـى عايشـه يا سـعـدهـا