أيــــــــــــام

[عوض بن سلمان]

أيــــــــــــام أيــــــــــــام أيــــــــــــام أيــــــــــــام أيــــــــــــام

هاضـت هجوسـي باللحـون الجميلـه

فيها من اللـؤلـؤ وفيها من الـمـاس

فكـري يقولـي ما معي فيـك حيـلـه

من كثـر ما أحـاول معك كله إفـلاس

أيـام تجـري والليـالـي طـويـلـه

ما بـاس يا عيني من الشـر ما بـاس

الصبـر كل الصبـر ما شـي بديـلـه

والصبـر له قانون وحسـاب وقيـاس

طـال العمـر وسنيـن ما هي قليـلـه

وكل ما طـال البنـى يهمـز السـاس

ما ينـفـع الإنسـان مالـه وحيـلـه

إلا العمـل لله ومـع سايـر الـنـاس

وإن زار زايـر بيـن يــومٍ وليـلـه

ما فيه لا مـدرق ولا فيه مـدسـاس

وإليا صفا الصافـي وحصَـل حصيلـه

إما فـوادي القيـم وإلا ابن عـبـاس

يلـي يخيـلـك وش الـي تخـيـلـه

ما قبلـك إلا ليـل داجـي وهرمـاس

وإن كـان ودك تعـمـل المستحيـلـه

احذر قبل لا تاقـع الفـاس في الـراس

من لا يحسَـب للعـواقـب هبـيـلـه

ومن لا يفكر ما معه قلـب وإحسـاس