الحية الرقطاء عوضاً عن الأم حوة ,,

[منقاش]

المقداد ألأصغر بن المقداد ألأعظم (بدون حليفي وبدون عمده) .
عليكم السلام ورحمة الله وبركاته , واسعد الله مساك , ومساء جميع ألأخوان , أما ما قبل :
ماهي مقبوله , لا الرقطاء ولا الرقط كلها, ولا الرنقط اللي ضيعتنا به , وأذا تبي الكلام اللي يجمد عليه الشارب , أول تجيب لنا ولد ألأمحوه اللي فرحتنا به نهار أمس وخيبت به آمالنا صباح اليوم , وتجيب لنا قبله القرده وولدها اللي جلست تمنينا بهم أحلا ألأماني , وتسوف بنا وتماطل حتى تصرمت ألأسابيع والأشهر , واصبح ألأمل في شوفتهم مثل ألأمل في الغول والعنقاء والخل الوفي أن ما قلت مثل أمل أبليس في الجنه .
أما حنشانك الثانيه مثل أم الشكي والا البكي, فرجايه تاخذها هي والمرنقطات وتحطها مع حنشان ابو تركي البلاستيكيه اللي شارك معنا بها مشاركتين , ويوم فضح به أبو نقشه شرد للأستراحته ولا عاد رجع علينا , وأياك ثم أياك تجيب طاري ألأمحوه بعد اليوم ألا بعد تجيب لنا ولدها , وأن كان عندك فزعات وفرها واترك ألأمحوات لأهلها وساعد ابن همام اللي ضاع في غيران ابن رخمان وشكرا ...