فكرت في الدنيا وفكرت في الناس

[سلطان الثبيتي]

فكرت في الدنيا وفكرت في الناس فكرت في الدنيا وفكرت في الناس فكرت في الدنيا وفكرت في الناس فكرت في الدنيا وفكرت في الناس فكرت في الدنيا وفكرت في الناس

سلام الله عليكم وكل عام وانتم بخير ياخوالي والمعذره عن طول الغياب خابرين مشاغل الحياه ومتاعبها


[POEM="font="Simplified Arabic,5,black,normal,normal" bkcolor="white" bkimage="" border="double,8,indigo" type=2 line=0 align=center use=ex num="0,black""]فكرت في الدنيا وفكرت في الناس=والحمدلله دام عيني بصيره
عيني تخيل البرق من فوق نبراس=ورجلي وطت في الوقت مع كل ديره
ياكم وكم خاويت والناس اجناس=بعض العرب كنه رحى مستديره
ماهمه الا ضربة الفاس في الراس=يضرب ولدعمه ويضرب جويره
ماينفع المعروف في طبع ملاس=لكن له عندي سيوف شطيره
لو اضرب الكافر بها قال لا باس=هلل وكبر بين كل العشيره
وبعض العرب لو ينصرف كنه الماس=اليا طرى طاريه فاح بعبيره
له عندنا قدر وموده ونوماس=واليا اعتزى يلقى جنود وذخيره
صحيح مابين المخاليق مقياس=كل عرف قدره وهذا مصيره
انا عتيبي من هل السيف والطاس=ربعي عتيبه في المواقف مغيره
ماشلت هم الزير سالم وجساس =لو قصته تطرى وسيرته سيره
وان هاج موج البحر للبحر غطاس=اكفخ بيمنايه ولا هي قصيره
واليا سريت بليل اظلم وطلماس=ماتهت في دربي ولا فيه حيره
من فضل ربي عندي شعور واحساس=وادري اللي جايدور شويره
اللي بعد غرته دنياه ينحاس=وتضيق الدنيا عليه الحصيره
هذي هي الدنيا كما شربة الكاس=فيها القدر مكتوب شره وخيره[/POEM]