دلوني على السوق

[ابن ابي محمد]

الرد رقم ثلاثه : (تكملة رواية معالي الشيخ التي بدأنا بروايتها لكم عنه أبتداء من المداخلة رقم : (15) .).
وماذا بعد يا أبا نقشه ؟, ويستطرد فخامته فيقول :
يعني فتحنا عملية أستجواب في الليل مع رجال ونساء ألأعمال , وحولنا طاولات مطاعم ومقاهي الشارع لمراكز تحقيق, حتى نتعرف منهم على السلع اللي نسبة ربحها أكثر واللي الطلب عليها واجد خصوصا تجار السعوديه .
وفي النهار ندهر في النقاشات مع مندوبين الشركات والمصانع في المعارض , وخذ يا جدال على نسبة الجوده , ويا مماحكات على تخفيض قيمة الكلفه , ويا مكاسرات ويا مجادلات على سعر عبوات الحاويات (الكونتينرات) واصله للسعوديه او مستلمه من الصين ..الخ ..
يعني كلام طوييييييييل طويل , ويملا كتب ومجلدات , لكن خلاصته :
الفايده ألأولى : بساطة وسهالة ألأستيراد , يعني ما عاد أحد يطلبك لا ضمانات بنكيه ولا غيرها , أن بغيت بالجمله روح للشركات والمصانع واشتر منها بالجمله , وان بغيت بالتجزئه روح لمحلات التجزئه وخذ منهم حتى لو ما تاخذ ألا فردة أحذيه أكرمكم الله , وان بغيت عبوة كونتينر خذ , وان بغيت ربع الحاويه والا حتى كرتون واحد من مقاس كرتون شاهي الربيع خذه , ما فيه كميه محدده تكبر أو تصغر تمنعك عن ألأستيراد .
وكل اللي تحتاجه أنك تعطي صلاحية فحص البضاعه وشحنها لمكاتب تملا المدينه والشارع اللي كنا نسكنه , وهم بدورهم يجمعون بضاعتك مع بضاعة غيرك في مستودعاتهم حتى يتجمع عندهم اللي يعبي حاويه عشرين والا أربعين قدم , ويشحنونها لك الى المدينه اللي تقيم فيها , ويخلصون لك جمركتها بتفويض منك, ولا ياخذون منك مقابل أتعابهم ألا 5% خمسه في الميه من القيمه ألأصليه للسلعه .
وشيخكم جرب , وجاه الى حد باب بيته في الطايف أربعه كراتين متوسطة الحجم , مجروده مجمركه واصله لبيتي .
طبعا الجمارك تدفعها للمكتب من الصين + ألأتعاب 5%+ أيجار الشحن .
وأيجار الشحن أما بالحاويه أذا كانت بضاعتك تعبي الحاويه , أو يكعبونها ويحملونها مع غيرها في الحاويه , ويقسمون أيجار شحن الحاويه على تكعيب البضاعه المشحونه , ولا يحملونك ألا على قدر الحيز اللي تشغله بضاعتك في الحاويه .
الفايده الثانيه : أنتظروها في الرد رقم أربعه حسب توجيهات فخامة الشيخ ....