دلوني على السوق

[ابن ابي محمد]

حليف الشيخ , الشاعر سنا الهجره , يحفظه الله , تم عرض مقالتكم في المداخلة السابقة على حليفكم بدر الدجى فكان رده كالتالي :
وسع صدرك يا حليفي حتى تعرف باقي العلوم وتستخلص من مجمل فوايدها الراي الشمولي اللي رايح تستفيد منه أن شاء الله أنت وبقية ألأخوان .
بخصوص شراء أدوات سباكه وكهربه لعمار من الصين , فهذا مخسر ورايح تعرف ليه فيما يقبل من فوايد .
نعم اللي مقاول ويبني عماير كثيره على المفتاح , وعنده مستودعات , نعم يصلح له هالفكره اللي خطرت على بالك .
أما عماره سكنيه والا ثنتين والا ثلاث فالأربح شرا طلبات السباكه والكهربه من السوق المحليه ..
لكن أثاث بيت المستقبل , أقول لك نعم , روح الصين وأثث منها , وأذا عزمت نرسلك على ناس يسنعونك , ويودونك لمدن ألأثاث , وبعد تفاصل أنت والمعارض في البضاعه والسعر , هم يكملون الباقي حتى تردك بضاعتك .
وتقدر لو رغبت تجيب ألأبواب من هاك الديار أذا أخذت مقاسات دقيقه 100% لها قبل تسافر ....