مجموعة من القصائد على متصفّح واحد

[خلف بن عبدالعزيز الثمالي]

مجموعة من القصائد على متصفّح واحد مجموعة من القصائد على متصفّح واحد مجموعة من القصائد على متصفّح واحد مجموعة من القصائد على متصفّح واحد مجموعة من القصائد على متصفّح واحد

بسم الله الرّحمن الرّحيم
هذه أيّها الإخوة في الله مجموعة من القصائد أُهديت إلى المولود
الجديد(أحمد خلف الثمالي),ولا يسعني هنا إلا أن أشكر الله ثم
أشكر كلّ من كتب من الشّعراء قصيدة لأحمد وعلى رأس هؤلاء
الشّعراء الأفاضل الشّاعر الكبير عوض بن سلمان الثمالي حفظه الله
وسأظل ,وابني أحمد مدينان لهم بهذا الوفاء ماحيينا .


الشّاعر/ عوض بن سلمان الثمالي

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]الاوله يا رب سهّل طلبنا=يا واسع الرحمه ويا عالم الغيب
يا مرحبا بالضيف ترحيب يثنا=عداد همّال المزون المناصيب
ويا مرحبا يا (احمد) بحضرتك معنا=منّي عدد ما تطلع الشمس و تغيب
و اعد لك من وجدنا اللي وجدنا=أبيات شعر مهذباتٍ مهاذيب
و بيوت مبنيه على عز مبنى=مربوعة الأركان ماهي دواليب
الحمدلله بعد ربي جمعنا=تمّت عزيمتكم وجات المناديب
في مناسبة حضرتك يا( احمد) حضرنا=يا نجم بادي في علو المراقيب
وفي مناسبة نظرتك يا( احمد) نظرنا=نظرة ذيابٍ ناظره فيك يا ذيب
وليا سهر والدك لاجلك سهرنا=في واجب( احمد) تسهلن المطاليب
يا نجمنا يا شمسنا يا قمرنا=ماخيب أنا في قدوم حضرتك ما خيب
يا عزّنا يا مجدنا يا فخرنا=واجبك هذا يا مَوفّي المواجيب
يا سعدنا بك بيننا يا سعدنا=صلبٍ صليب وسالم من العذاريب
يا( احمد) فرحنا بك و يكثر فرحنا=و نزيد فرحتنا من المسك و الطيب
انته حفيد النا و تحسب ولدنا=تاجٍ على راسي مركبه تركيب
[/POEM]





الشاعر/ حامد بن عبدالله الثمالي

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]سلام عَدّ الوبل من غُرّ الامزان=اليا استهل بمقدم العقربيه
واعداد مطلاع الثماري بالاغصان=واعداد نبت العشب بارضٍ خليه
على حضور الحفل شيباً و شبّان=أهدي لهم منّي سلام و تحيه
من صدرٍ اوسع من فضا خبت نعمان=و من البحر و فجوج نجد العذيه
آزن كلامي قبل اقوله بميزان=وانزهه عن كل نقص و رديه
يلزمني الميقاف في بعض الاحيان=و انا اعرف اللي لي من اللي عليّه
مبروك مبروك الف بقدوم شيهان=يا بو وليد امدرّج الشاذليه
لهل الوجيه البيض ذربين الايمان=اليا لفو للحلّه الحاتميه
يجي بعَد فنجالها سَمن واسمان=تكريم للخطّار من طيب نيه
في واجب(احمد) جيت و البال نشطان=امشي على الاقدام لوهي و نيه
اجيك لو منزلك في قاصي اعمان=و نشوف هذا في وجوبك شويه
يا معرّب المنسب عماماً و خيلان=كسّابة الناموس و النار حيّه
يكفي شرف و اخوالك آلاد سلمان=أهل الكرم و اهل الوفا و الحميه
وان كان جا في الهرج زودٍ و نقصان= أنا تروني طالب المعذريه
و الختم صلو عَدّ ما هل هتّان=على نبيّ الله خير البريه
[/POEM]





الشاعر/ برّاك بن بركي الثمالي

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يا سلام الله منّي عدد ما هل عيد=ما نخالف من دعانا على وقت الوعد
جيت اشارك والف مبروك لك يابو وليد=بعْد جاك(احمد) فرحنا ويانعم الولد
من شكر ربّه على الخير و النعمه يزيد=يا عسى الله يحفظ (احمد) و يبقى لك سند
هلت الفرحه و هلت بها بيوت القصيد=كلها تمشي على رضاك يا وجه السعد
نحمد المولى على الخير و الحظ السعيد=في رضا الله كل من جد فالدنيا وجد
دايمٍ و العين ما تنظر الا للبعيد=و القدم ما تمشي ان كان مافيها جهد
و خاتمتها يا صلاتي على الهادي الرشيد=عَدّ ما صلى المصلي و ما دندن رعد
[/POEM]




الشاعر/ حمّاد بن محمد الثمالي

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يالله يا ربّي عليك التدابير=اللي بها نحصل على الخير و رضاك
ياواحدٍ منشي المزون المزابير=اللي تهل اثعولها لا دعيناك
يامدبّر الأفلاك هي و المقادير=تمشي على ماشيت يا رب رحماك
جينا على سلم القبايل مسايير=يا (احمد خلف) من كل ديره نصيناك
يا الشهم يا بن الشهم راعي التقادير=تعيش في عز الذي اليوم سمّاك
خلّك على نهج الجدود المشاهير=في الدين و الاخلاق مع مد يمناك
سقنا البشاير يوم جات التباشير=يا (احمد) خلف ياكم خلف قد تمنّاك
عبّر عن الفرحات باحلى التعابير=يا ضيفنا اللي كلنا ما كرهناك
وليد اخوك و لاش يمه تقاصير=تراك بعيونه و خلّه فعيناك
هذي سلوم القوم من سالم الزير=يا ضيفنا يا مرحبا لا عدمناك
سيّر على ما جاز لك جعلك ابخير=سيّر و عين الله على الأرض ترعاك
[/POEM]





الشاعر/ سلطان بن محمد الثبيتي

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]بعَد هاضت ابياتي بدعت المثايل=بعد شرف (احمد) له وجوب علينا
و نعمين و الله يا عريب السلايل=عريب الخوال و ساس جدك متينا
عسى الله يعزك في الصفوف الاوايل=و تفرح بها الثنتين دنيا و دينا
ولن كان تبغى تصير للخير نايل=أبنصحك يا (احمد) برضا الوالدينا
ترى برّهم ينجيك يوم الهوايل=و تكسب رضا ربك و دعوه تعينا
ولا انسى (وليد) اللي في وقت الصمايل=سنافي يحل الشور طبعه رزينا
خوالي ثماله من خيار القبايل=لهم مجد ما تمحاه طول السنينا
وصلو على المختار من نسل وايل=على الهاشمي اللي خاتم المرسلينا[/POEM]





الشاعر/ جار الله بن ضاوي الثمالي

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سلام واسوق التحيه و اهنيك=مبروك يا راعي الطيب ما جاك
و اليوم انا من ضمن الاجواد ابهديك=أبيات شعرٍ منتقيها لشرواك
و الكل بارك لك و كلاٌ يهنيك=باخو (وليد) (احمد) و حطّه بيمناك
طابت لك الفرحه و طابت لياليك=و الله يبارك لك على كل ما اعطاك
تسعد بشوفه اليا زهمته يلبيك=و تنال برّه في الكبر ثم يرعاك
يقضي لك المبشور و الا من البيك=واليا خرجت بيوم في العصر مشّاك
و الختم صلى الله عدد من يلاقيك=على النبي المختار بالخير وصّاك
[/POEM]



مرّةً أخرى أشكركم شعراؤنا الكرام ،و أشكر كل من حضر عقيقة
ابني أحمد ،كما أشكركم أنتم أيُّها القرّاء الأفاضل على مروركم من هنا
دمتم بخير و عافية
أخوكم / خلف بن عبدالعزيز الثمالي.