مشاهدات من إثيويبا

[منقاش]

تبارك الله ما شاء الله عليك يبو عبدالرحمن ..
صور رايعه لديره وحياه طبيعيه أروع , ولي ملاحظات منها , كيف يبن عمي تطب محلات بعضها مكاين تفريخ لنسوان التماسيح , ولعلمك , ترى التمساحه (مرة التمساح) تهاجم أي واحد يقترب من مدفن بيضها وصغارها, وتضربه بذيلها ضربه ما يوقع بعدها ألا في النهر حتى تناهبه التماسيح , هذي ألأوله.
الثانيه : تراك عرضت صور مغريه للقتله الصيادين , وأبغيك تنصحهم عن ألأسراف في الصيد أو صيد ألأناث , أو الصيد في غير مواسمه , أن كانوا يحبون الناصحين , واللي ما يحب النصيحه يبي يلقى جزاه من حراس المحميه.
الثالثه : أرى بعض أخواتنا بهرتهم أثيوبيا , وأخشى يسافرون لها , وودي تنصح العوايل لا يروحون لهاك البلاد , لأن الزي السعودي مستغرب عندهم , ونظرات التطفل ما تبي تريح العايله اللي تروح لهم .
الرابعه : ودي تنصح هواة الطبيعه من الرجال , لا يروحون لهاك الديار أى في أواخر شهر سبعه وثمانيه وتسعه ونصف عشره الميلاديه , لأن بعدها ألأمطار تقل والمناظر تفقد روعتها والأرض تشحب ..