لولا الظروف (مجاراة لشاعر الوطن دبسان القحطاني )

[سنا الهجرة]

المشاركة الأصلية كتبت بواسطة حسن عابد

[poem="font="Courier New,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لولا الظروف وحاجة الناس للناس =مابان مد الطايله والقصيرة
ولولا الشهامه والمواقف لها راس=ماشفت اهلها فاللوازم كبيره
ولولا الحسد وصدور بايع وبلاس=ماحطت البدوان وسم وعقيره
ولولاك شاعر ياقحطاني وقرناس=ماصدت من شعري بكبر الشعيره
ولولاي شاعر مانظمته بقرطاس =ولا سمعت اصداه في كل ديره
الناس سود وبيض واعراق واجناس=مايضمن المخلوق منهم مصيره
لكن يعمل والعمل خير مقياس=مقياس لطموحه ومقياس خيره
ان صار له في ساحة الطيب مرواس=سده ربوعه فالدروب العسيره
واذا شرب من مر الايام في كاس=يصبر وصبره فيه خير وخيره
وان عاش من كثر المعاذير محتاس=والراس شايب والايادي قصيره
يلقى هل الطالات فالعسر نوماس=ويلقى العوارف للشدايد عشيره
معرب السيسان يمشي على ساس=ساس من الرحمه وحسن البصيره
اللي خلق له روح وعروق واحساس=لا بد مايحتاج وقفات غيره
وهنا تبان المرجله وطرد الانفاس=اللي بعز البرد واللي هجيره
وتبان مدات اللألي واللماس=تصغر كبار وتكبر اللي صغيره
يعني الظروف احيان وسواس خناس =واحيان تنبينا بطيب السريره
شكرا لها في كل حاله ومجلاس=وشكرا لمدات الكرم والجزيره
[/poem]

ماشاء الله تبارك الله

قصيدة جميلة جداً وتحمل الكثير من الصور الشعرية المبتكرة
والمعاني السامية والحكم الوعظية

ولعلي أقوم ومن خلال ما أقرأه هنا بأنك أجدت كثيراً يا أبا علي
مع أنني لم أطلع على قصيدة القحطاني الى الآن
ولكن فخامة هذا النص تنبئ بذلك

صح لسااااااااااااانك ملايين